શબાના આઝમીની હાલત સ્થિર, કોકિલાબેન હોસ્પિટલમાં સારવાર ચાલું

મુંબઈ: બોલિવુડની મશહૂર અભિનેત્રી શબાના આઝમી શનિવારે રોડ અકસ્માતમાં ઘાયલ થઈ હતી. હાલ તેમની હાલત સ્થિર છે. અભિનેત્રીને કોકિલાબેન અંબાણી હોસ્પિટલમાં દાખલ કરાયા છે. હોસ્પિટલના CEO ડોક્ટર સંતોષે એક નિવેદનમાં કહ્યું કે, તેમની હાલત હાલ સ્થિર છે અને તબીબોની દેખરેખ હેઠળ છે.

અભિનેત્રી શનિવારે બપોરે મુંબઇથી પુણે એકસ્પ્રેસવે પર તેમની કારમાં જઇ રહ્યા હતા. આ સમયે અકસ્માત સર્જાયો હતો. આ ઘટનામાં તેઓ ઘાયલ થયા હતા. તેમની કાર એક ટ્રક સાથે અથડાઇ હતી. આ દરમિયાન તેમના પતિ જાવેદ અખ્તર પણ તેમની સાથે હતા. જો કે તેઓ સુરક્ષિત છે.

આ ઘટના બાદ અભિનેત્રીને MGM હોસ્પિટલમાં ખસેડવામાં આવ્યા હતા. માથામાં ઇજા પહોંચતા તેમને મુંબઈના કોકિલાબેન હોસ્પિટલમાં ખસેડવામાં આવ્યા હતા. હાલમાં જ તેમણે સમગ્ર પરિવાર સાથે જાવેદ અખ્તરનો જન્મદિવસ ઉજવ્યો હતો.