બગરુ, રાજસ્થાન: અત્યારે તુર્કી દેશનો એક વીડિયો વાઈરલ થયો છે, જેમાં સેનેટાઈઝિંગ ચેંબરમાંથી ટુ-વ્હીલર ચાલકોને પસાર કરવામાં આવે છે. આ જોઈને બગરુ પોલીસે અને પોલીસ મિત્રે ફક્ત 3 દિવસમાં સેનેટાઈઝિંગ ચેંબર બનાવ્યું છે.
Etv Bharatની ટીમે સ્થળની મુલાકાત લીધી હતી. સેનેટાઈઝિંગ ચેંબરમાં ટુ-વ્હીલર લઈને જતાં વાહનચાલકોને વાહન સહિત સેનેટાઈઝ કરવામાં આવે છે. બગરુના પોલીસ અધિકારી બ્રજભૂષણ અગ્રવાલે કહ્યું કે, એન્જિનિયરની સલાહ લઈને આ સેનેટાઈઝિંગ ચેંબર બનાવવામાં આવ્યું છે. જેમાં પોલીસ મિત્ર ટીમનું મહત્વનું યોગદાન છે. લૉકડાઉન હોવાથી ઘણી મુશ્કેલીઓનો સામનો કરવો પડ્યો હતો. પરંતુ અમે આ સેનેટાઈઝિંગ ચેંબર બનાવવામાં સફળ રહ્યાં.