રક્ષાપ્રધાન રાજનાથ સિંહ પહોંચ્યા કારગિલ, સુરક્ષા સ્થિતિની કરશે સમીક્ષા

નવી દિલ્હી: 26મી જુલાઈએ કારગીલ વિજય દિવસની 20મી વર્ષગાંઠ છે. રક્ષા પ્રધાન રાજનાથ સિંહ ભારતના સૈન્ય અભિયાન 'ઓપરેશન વિજય'ની 20મી વર્ષગાંઠ પર દ્રાસ પહોચ્યા છે. અધિકારીઓના જણાવ્યા અનુસાર, રક્ષા પ્રધાન અહીં કારગિલ યુદ્ધ સ્મારકમાં શહીદ જવાનોને શ્રદ્ધાંજલી અર્પણ કરશે. ઉપરાંત જમ્મુ-કાશ્મીરની સુરક્ષા સ્થિતિની સમીક્ષા કરશે.

1990માં ભારતના જાંબાજ જવાનોએ પાકિસ્તાનને યુદ્ધમાં પછડાટ આપી હતી. 26મી જુલાઈએ તેને 20 વર્ષ પૂરા થાય છે. તેની ઉજવણીના ભાગરુપે સંરક્ષણ પ્રધાન 20 જુલાઈએ કારગીલનાં સરહદી વિસ્તારની મુલાકાત કરશે. તેઓ આ અવસરે કારગીલ યુદ્ધના શહિદોને પુષ્પાંજલિ તેમજ શ્રદ્ધાસુમન અર્પણ કરશે.

રાજનાથ સિંહ દ્રાસ પહોચ્યા

ત્યારબાદ જમ્મુ કાશ્મીરના સાંબા અને અખનૂર વિસ્તારમાં સુરક્ષાની સ્થિતિનું પરિક્ષણ કરશે. તેમજ પાકિસ્તાની ગોળીબારીથી બચાવવા બની રહેલા બંકરની કામગીરીનું નિરિક્ષણ કરશે.

રાજનાથ સિંહે વિઝીટર્સ બુક પર તેમની ઉપસ્થિતી નોંધાવી

આ પ્રસંગે રાજનાથસિંહ સાંબા અને બસંતરમાં સીમા સડક સંગઠના દ્વારા બનાવેલા બે પુલોનું લોકાર્પણ કરશે. રક્ષા મંત્રાલયે એક નિવેદનમાં જણાવ્યું કે, સિંહ કઠુઆ જિલ્લાના ઉઝ અને સાંબા જિલ્લાના બસંતરમાં સીમા સડક સંગઠન દ્વારા બનાવેલ 2 પુલને પણ રાષ્ટ્રને સમર્પિત કરશે. ઉઝ એક કિલોમીટર લાંબો પુલ છે જ્યારે બસંતર પુલની લંબાઈ 617.4 મીટર છે.

નિવેદનમાં જણાવ્યા અનુસાર, રક્ષા પ્રધાન ઓપરેશન વિજયની 20 મી વર્ષગાંઠ પર કારગિલ યુદ્ધ સ્મારકમાં શહીદોને શ્રદ્ધાંજલી અર્પણ કરશે.