રાજસ્થાન SOGએ વાઇરલ ઓડિયો ક્લિપ મામલે સંજય જૈનની કરી પૂછપરછ

રાજસ્થાન ચાલી રહેલા રાજકીય ઘર્ષણમાં ધારાસભ્યોના કોલ ટેપિંગ અને વાઈરલ ઓડિયો ક્લિપ મામલે પોલીસ દ્વારા સંજય જૈનની અટકાયત કરવામાં આવી છે. SOG દ્વારા સતત પૂછપરછ પણ હાથ ધરાઇ છે પરંતુ તેનો હજી સુધી કોઈ સંતોષજનક જવાબ મળી શક્યો નથી.

રાજસ્થાન: રાજસ્થાનમાં કોંગ્રેસી નેતાઓને કોલ ટેપ થવા તેમજ નાણાકીય લાલચ આપી ખરીદવાની નીતિઓ વિશે ધારાસભ્યોની વાતચીત ધરાવતી એક ઓડિયો ક્લિપ વાઈરલ થઈ હતી જેના પગલે રાજકારણ ગરમાયું છે. આ મામલે રાજસ્થાન SOG દ્વારા સંજય જૈન નામના આરોપીની ધરપકડ કરવામાં આવી છે.

ઓડિયો ક્લિપ ના મૂળભૂત સ્ત્રોત વિશે માહિતી પ્રાપ્ત કરી તે ફાઈલ ગત 28 જુલાઈએ FSLમાં તપાસ માટે મોકલવામાં આવી હતી. ત્યારબાદ આ ક્લિપનો રિપોર્ટ કોર્ટમાં રજૂ કરી દાવો કરવામાં આવ્યો છે કે તેમાં ધારાસભ્ય ભંવરલાલ શર્મા અને કેન્દ્રીય પ્રધાન ગજેન્દ્ર સિંહનો અવાજ છે. બંને નેતાઓના વોઇસ સેમ્પલ હજી લેવાના બાકી છે જે બાદ આગળની કાર્યવાહી કરવામાં આવશે.

આ અંગે જો કે આરોપી સંજય જૈન દ્વારા વોઇસ સેમ્પલ આપવાની મનાઈ કરવામાં આવી છે.