મળતી વિગત અનુસાર સીકર જિલ્લાના રોલ સાહેબ સર ગામ પાસે યુવકો સાલાસર વિસ્તારમાં ગયા હતા. આ લોકો સાથે ફતેહપુરના બે યુવકો પણ સામેલ હતા. રવિવારે મોડી રાત્રે તેઓ પરત ફરી રહ્યા હતા, ત્યારે સાલાસર ટોલ નાકા પાસે ફોર્ચ્યૂનર કાર ટ્રક સાથે ધડાકાભેર અથડાઈ હતી.
આ ઘટનામાં ટક્કટ એટલી જબરદસ્ત હતી કે, કારનું કચ્ચરઘાણ વળી ગયુ હતુ. તેમજ કારમાં બેઠેલા સાત યુવકોના મૃત્યુ થયા હતા. જ્યારે એક યુવાન ગંભીર રૂપથી ઘાયલ થયો હતો. સાલાસર પોલીસને મળેલી માહિતી અનુસાર, મૃત્યુ પામેલા લોકોમાં રોલ સહબ સર ગામનો ગાઝી ખાન પુત્ર રમઝાનખાન, ઇમરાન ખાન પુત્ર નજીર ખાન, ઇમરાન ખાન ઉર્ફે ગાંધી, ઇકબાલ ખાન અને ઇસ્લામ ખાનનો સમાવેશ થાય છે. આ ઉપરાંત આ અકસ્માતમાં ફતેહપુરના રફીક અને બાબુ ખાનનું પણ મોત નીપજ્યું હતું.
સાલાસર પોલીસ મથક આ સમગ્ર મામલાની તપાસ કરી રહ્યું છે અને અત્યારે પોલીસ આ અંગે કંઈ કહેવા તૈયાર નથી. એક ચોંકાવનારી વાત એ પણ સામે આવી છે કે, કારમાં હથિયાર મળ્યાં છે, પરંતુ પોલીસે તેની સ્પષ્ટતા કરી નથી. આ ઘટના અંગે CM અશોક ગહેલોતે ટ્વીટ કરી સંવેદના વ્યક્ત કરી છે.
