યુપીમાં મતદાન દરમિયાન રાજા ભૈયા સહિત 8 લોકો નજરકેદ રહેશે

પ્રતાપગઢ: ઉત્તરપ્રદેશના પ્રતાપગઢ જીલ્લાના કુંડા વિસ્તારના ધારાસભ્ય રધુરામ પ્રતાપ સિંહ ઉર્ફ રાજા ભૈયા સહિત આઠ લોકોને જીલ્લા વ્યવસ્થા તંત્રએ ચૂંટણી દરમિયાન નજરકેદ કરવા આદેશ આપ્યા છે.

તંત્ર તરફથી મળેલા આદેશ મુજબ ધારાસભ્ય રાજા ભૈયા સહિત આઠ લોકોને નજર કેદ કરવા આદેશ આપ્યા છે. જેમાં રાજા ભૈયા સહિત બાબાગંજના ધારાસભ્ય વિનોદ સરોજ, સપા નેતા ગુલશન યાદવ, સપા જીલ્લા અધ્યક્ષ છવિનાથ યાદવ, ધર્મેન્દ્ર સિંહ, હિતેશ સિંહ, બીએન સિંહ, સંતોષ કુમાર સિંહ સામેલ છે.

આ તમામ લોકોને નજર કેદ કરવા છતા પણ મત આપવાની છૂટી આપી છે. પ્રતાપગઢમાં આવતી કાલે મતદાન છે.

આદેશમાં કહેવાયા પ્રમાણે આ 8 લોકો મતદાન કરવા સિવાય અન્ય ક્યાંય પણ જઈ શકશે નહીં. તેમના સુરક્ષા કર્મી તેમની સાથે રહેશે.

તંત્રએ આપેલા આ આદેશ બાદ તેમની ઘરની આસપાસ સુરક્ષા વધારી દેવામાં આવી છે. અહીં આ વિસ્તારમાં શાંતિ જાળવવા માટે આ પગલું ભરવામાં આવ્યું છે.