કંગના-શિવસેના જંગઃ અભિનેત્રીની સાથે કોણ અને સામે કોણ...

મહારાષ્ટ્રમાં કંગના રાનૌતના કાર્યાલય પર બીએમસી દ્વારા બુલડોઝર ફેરવાતા એક નવી રાજકીય લડત શરૂ થઇ છે. મુંબઈમાં BMCની કાર્યવાહી બાદ શિવસેના તેના સમર્થકો સહિત ઘણા લોકોના નિશાના પર છે.

મુંબઇ: મહારાષ્ટ્રમાં કંગના રાનૌત અને શિવસેના વચ્ચે ચાલી રહેલા ઝઘડા વચ્ચે ઘણા લોકો તેનો વિરોધ અને તરફેણ બતાવી રહ્યા છે. મોટાભાગના લોકો કે જે ભાજપનો ભાગ છે અથવા તેના સમર્થક જૂથ છે તે કંગનાને સમર્થન આપી રહ્યા છે. તે જ સમયે, મહારાષ્ટ્રના ઘણી પાર્ટીના લોકો કંગના સાથે જોવા મળે છે. તેમાં સરકાર તરફી એનસીપીના વડા શરદ પવારનો પણ સમાવેશ થાય છે. જુઓ, કંગનાની સાથે કોણ છે અને કોની વિરુદ્ધ...

કંગનાની વિરુદ્ધમાં રહેલા લોકોમાં મહારાષ્ટ્રના મુખ્યપ્રધાન ઉદ્ધવ ઠાકરેનું પ્રથમ નામ છે. ઉદ્ધવ ઠાકરેએ તાજેતરમાં જ કંગનાને નિશાન બનાવતા પોતાના નિવેદનમાં કહ્યું કે, કેટલાક લોકોએ તેમને કામ આપ્યું છે તે શહેર માટે તેઓ આભારી નથી.

કંગના રાનૌત સાથે ચાલી રહેલી લડાઇમાં શિવસેનાના પ્રવક્તા સંજય રાઉત મુખ્ય ભૂમિકામાં છે. તાજેતરમાં જ કંગનાએ શિવસેનાના નેતા રાઉતનાં નિવેદન પર જ મુંબઈ આવવાનો પડકાર સ્વીકાર્યો હતો.

દેવેન્દ્ર ફડણવીસે કંગનાને ટેકો આપતો વીડિયો પોસ્ટ કર્યો હતો.

એનસીપી અધ્યક્ષ શરદ પવારે આ મામલે પરોક્ષ રીતે કહ્યું હતું કે કંગનાને બિનજરૂરી પબ્લિસિટી આપવામાં આવી હતી. પવારે કહ્યું કે, બીએમસીએ કંગનાનું ઘર તોડીને તેમને બિનજરૂરી બોલવાની તક આપી. મુંબઈ શહેરમાં અનેક ગેરકાયદેસર બાંધકામો છે, તો માત્ર કંગનાની ઓફિસ પર કેમ કાર્યવાહી કરવામાં આવી હતી.

રામદાસ આઠવલેએ કંગનાને સુરક્ષા આપવાનું વચન આપ્યું હતું.

અનુપમ ખેરનો કંગનાને ટેકો આપ્યો છે. આ સિવાય ખેરએ પોતાના ટ્વિટમાં કંગનાને ટેકો આપતા બીએમસીની કાર્યવાહીને પણ ખોટી ગણાવી હતી.