સત્તામાં આવ્યા તો ચૂંટણી પંચને જ જેલમાં મોકલી દઈશું: પ્રકાશ આંબેડકર

મુંબઈ: દલિત નેતા અને ત્રણ વાર સાંસદ રહેલા પ્રકાશ આંબેકર હાલ પોતાના નિવેદનને લઈ વિવાદમાં આવી ગયા છે. જેમાં તેમણે કહ્યું હતું કે, પુલવામા આતંકી હુમલા પર વાત ન કરવા બાબતને લઈ ચૂંટણી પંચને બે દિવસ માટે જેલમાં મોકલી દઈશું

મહારાષ્ટ્રના યવતમહાલ જિલ્લામાં એક રેલી દરમિયાન આંબેડકરે આપેલા આ નિવેદનને લઈ સ્થાનિક ચૂંટણી પંચે કેન્દ્રીય ચૂંટણી પંચને રિપોર્ટ આપ્યો છે.

આંબેડકરે ગુરુવારે એક રેલીમાં કહ્યું હતું કે, આપણે 40 જવાનો ખોયા છતાં પણ ચૂપ રહ્યા. અમને કહેવાયું છે કે, પુલવામા હુમલા પર વાત ન કરો. EC આપણને કેમ ચૂપ કરાવી શકે ? આપણા સંવિધાને આપણને અભિવ્યક્તિની સ્વતંત્રતા આપી છે. જો હું સત્તામાં આવ્યો તો બે દિવસ માટે ચૂંટણી પંચને જેલમાં મોકલી દઈશ.

આંબેડકર વંચિત બહુજન આધાડી(વીબીએ)ની ટિકીટ પરથી મહારાષ્ટ્ર સોલાપુર અને અકોલા લોકસભા સીટ પર ચૂંટણી લડી રહ્યા છે તેઓ ડૉ. આંબેડકરના પ્રપૌત્ર છે.

આ નિવેદનને લઈ સવાલ ઊભા થતાં આંબડકરે કહ્યું હતું કે, મે આ વાત સમાન પરિપ્રેક્ષ્યને ધ્યાનમાં રાખી કરી હતી પણ તેને જાણીને જોઈને મુદ્દો બનાવામાં આવે છે.