મુંબઈમાં માનવ તસ્કરી ઝડપાઈ, આતંકી હોવાનો ઢોંગ કરતી ગેંગનો પર્દાફાશ

કેન્દ્રીય તપાસ એજન્સીઓ અને મુંબઈની ક્રાઈમ બ્રાન્ચે સંયુક્ત ઓપરેશન હાથ ધરાયું હતું. આ ઓપરેશનમાં પાકિસ્તાની આતંકવાદ હોવાનો ઢોંગ કરીને લોકોને ગેરકાયદેસર રીતે અમેરિકા મોકલતી ગેંગનો પર્દાફાશ થયો છે.

મુંબઈઃ મુંબઈ ક્રાઈમ બ્રાન્ચ અને કેન્દ્રીય તપાસ એજન્સીઓના એક સંયુક્ત ઓપરેશનમાં પાકિસ્તાની આતંકવાદી હોવાનું જણાવી લોકોને ગેરકાયદેસર અમેરિકા મોકલનારી ગેંગનો પર્દાફાશ કર્યો છે. એક ઉચ્ચ આધિકારીએ આ વાતની જાણકારી આપી હતી. અધિકારીએ જણાવ્યું કે, આ ગોરખધંધાના મૂળ છેક પાકિસ્તાન સુધી છે. આ ગેંગ 7 લોકોને અમેરિકા મોકલવાના ષડયંત્રમાં સામેલ છે. તેમના સંબંધી પહેલાથી જ અમેરિકામાં છે.

DCP દત્તા નલવાડેએ જણાવ્યું કે, માનખુર્દ પોલીસને ગઈ 20 ફેબ્રુઆરીના રોજ એક ઈ-મેઈલ દ્વારા સુચના મળી હતી કે, પાકિસ્તાનની એક મહિલા સહિત 7 લોકોને મુંબઈથી દુબઈના રસ્તે પાકિસ્તાન જવાની શક્યતા છે. આ વ્યક્તિ જેણે પોતાને રામિશ માખણ ગણાવ્યો હતો, તેણે એક ઈ-મેઈલમાં જણાવ્યું હતું કે, આ બધા આતંકવાદીઓ પાકિસ્તાન તાલીમ માટે જશે અને પછી ભારત પાછા ફરશે, પરંતુ તપાસમાં બહાર આવ્યું છે કે, આ સાત પાકિસ્તાન નહીં પણ કેનેડા કે અમેરિકા જઈ રહ્યો છે.

નલવાડેએ જણાવ્યું હતું કે, તપાસ દરમિયાન જાણકારી મળી છે કે, મોકલનારનું નામ રમેશ માખણ નહીં પણ રિઝવાન સૈયદ છે, અને તે પાકિસ્તાની મૂળનો અને અમેરિકામાં રહેતો વ્યક્તિ છે. આ 7 લોકોના પરિવારના સભ્યો અમેરિકામાં છે અને તેઓએ તેને આ દાણચોરી કરવા માટે 25000થી 30000 યુએસ ડોલર ચૂકવ્યાં હતાં.

સૂત્રોના જણાવ્યા અનુસાર, તપાસ એજન્સીઓનું ધ્યાન ભટકાવવા માટે સૈયદે માનખુર્દે પોલીસને એક ઈ-મેઈલ મોકલ્યો હતો કે, કેમ તે સુનિશ્ચિત કરવા માંગતા હતા કે, આ સાત લોકોને કસ્ટડીમાં લેવાય છે, અને તેમના સબંધીઓ દ્વારા આપવામાં આવેલા પૈસા છીનવીને ભાગી શકે.