નવી દિલ્હી : દેશના ગૃહપ્રધાન અમિત શાહ અને ભાજપના પૂર્વ રાષ્ટ્રીય અધ્યક્ષનો આજે જન્મદિવસ છે. દેશના દિગ્ગજ નેતા અને પાર્ટીના મોટા નેતાઓએ અમિત શાહને જન્મદિવસની શુભકામના પાઠવી છે. વડાપ્રધાન નરેન્દ્ર મોદી, ઉત્તરપ્રદેશના મુખ્યપ્રધાન યોગી આદિત્યનાથથી લઈ કેન્દ્રીય પ્રધાન નીતિન ગડકરી અને પીયૂષ ગોયલ સહિતના નેતાઓએ અમિત શાહને ટ્વિટ કરી જન્મદિવસની શુભકામના પાઠવી હતી.
PM મોદીએ અમિત શાહને જન્મદિવસની શુભકામના પાઠવી
ગૃહપ્રધાનને જન્મદિવસની શુભકામના પાઠવતા નરેન્દ્ર મોદીએ લખ્યું કે, અમિત શાહ જીને જન્મદિવસની શુભકામના. આપણો દેશ એ સમર્પણ અને ઉત્કૃષ્ટતાનો સાક્ષી છે. જેનાથી તેઓ ભારતની પ્રગતિમાં યોગદાન આપી રહ્યા છે. ઈશ્વર તમને લાંબા સમય સુધી દેશની સેવા કરવા અને સ્વસ્થ જીવનના આશીર્વાદ આપે.
રાષ્ટ્રની આંતરીક સુરક્ષાને અભેદ્દ બનાવનારા ગૃહ પ્રધાન આદરણીય અમિત શાહ
ઉત્તર પ્રદેશના મુખ્યપ્રધાન યોગી આદિત્યનાથે ટ્વીટ કર્યું કે, જનપ્રિય રાજનેતા, અદ્ભૂત સંગઠનકર્તા, કુશળ રણનીતિકાર, રાષ્ટ્રની આંતરીક સુરક્ષાને અભેદ્દ બનાવનારા ગૃહ પ્રધાન આદરણીય અમિત શાહને જન્મ દિવસની હાર્દિક શુભકામનાઓ. હું આપના ઉત્તમ સ્વાસ્થ્ય અને સુદીર્ધ જીવન માટે પ્રાર્થના કરું છું.