મોદીનો અમેરિકા પ્રવાસ: 21થી 27 સપ્ટેમ્બર સુધી વિવિધ કાર્યક્રમોમાં આપશે હાજરી

નવી દિલ્હી: વડાપ્રધાન નરેન્દ્ર મોદી 21થી 27 સપ્ટેમ્બરની વચ્ચે અમેરિકા પ્રવાસ પર રવાના થશે. જ્યાં સંયુક્ત રાષ્ટ્ર મહાસભાના વાર્ષિક સત્રને સંબોધન કરશે અને ન્યુયોર્કમાં દ્વિપક્ષીય અને બહુપક્ષીય ચર્ચાઓમાં સામેલ થશે.

વિદેશ મંત્રાલયના પ્રવક્તા રવીશ કુમારે ગુરૂવારે જણાવ્યું હતું કે વડાપ્રધાન નરેન્દ્ર મોદી આ પ્રવાસમાં હ્યુસ્ટનમાં ભારતીય લોકોના કાર્યક્રમમાં પણ સામેલ થશે.

સંયુક્ત રાષ્ટ્ર મહાસભાના 74માં સત્રમાં 27 સપ્ટેમ્બરના રોજ સવારે વડાપ્રધાન મોદી સંબોધન કરશે. મેં માં બીજી વખત ચૂંટણી જીત્યા બાદ મોદીની સંયુક્ત રાષ્ટ્રમાં આ પ્રથમ સ્પીચ હશે.