કોરોનાની દવાના મુદ્દે પતંજલીએ દસ્તાવેજો સાથે આયુષ મંત્રાલયને માહિતી મોકલી

યોગગુરુ બાબા રામદેવની કોરોનાની દવા બનાવી હોવાનો દાવો કર્યો હતો. પતંજલીના આ દવા પર ભારત સરકારના આયુષ મંત્રાલયે પ્રતિબંધ લગાવી દીધો હતો. હવે આ નિર્ણય બાદ પતંજલીએ કેન્દ્રીય આયુષ મંત્રાલયની તમામ શંકાઓને દૂર કરવાનો દાવો કર્યો છે.

હરિદ્વાર: યોગગુરુ બાબા રામદેવની કોરોનાની દવા બનાવી હોવાનો દાવો કર્યો હતો. પતંજલીના આ દવા પર ભારત સરકારના આયુષ મંત્રાલયે પ્રતિબંધ લગાવી દીધો હતો. હવે આ નિર્ણય બાદ પતંજલીએ કેન્દ્રીય આયુષ મંત્રાલયની તમામ શંકાઓને દૂર કરવાનો દાવો કર્યો છે.

એક નિવેદનમાં એમ કહેવામાં આવ્યું છે કે, કોરોનાની દવા મુદ્દે આયુષ મંત્રાલય સાથેની વાતચીતમાં થયેલી ખામીને દૂર કરવામાં આવી છે અને પતંજલીએ ટ્રાયલ્સ કરી દવા શોધી છે. એના તમામ માનક પરિમાણો 100 ટકા પૂર્ણ આવ્યાં છે. આ અંગે પતંજલીએ જાહેર કરેલા નિવેદનમાં કહ્યું કે, અમે દસ્તાવેજોની સાથે સંપૂર્ણ માહિતી આયુષ મંત્રાલયને મોકલી આપી છે.

મહત્વનું છે કે, યોગગુરુ રામદેવે મંગળવારે આયુર્વેદિક દવાથી કોરોનાની સારવાર થતી હોવાનો દાવો કરતી જાહેરાત કરી હતી. બીજી તરફ કેન્દ્રએ પતંજલીને કહ્યું હતું કે, સરકારને આ દવાની વિગતો આપો અને જ્યાં સુધી દવા અંગે તપાસ પૂરી ન થાય ત્યાં સુધી કોઈ જાહેરખબર ન કરો.

નોંધનીય છે કે, બાબા રામદેવે કોરોનાની ત્રણ દવાઓ પૈકી કોરોનિલ, શ્વસારી અને અણુ તેલ લોન્ચ કરી હતી. જેનું નિર્માણ પતંજલી યોગપીઠ દ્વારા કરવામાં આવ્યું છે. આ અંગે રામદેવે કહ્યું કે, પતંજલીએ ગિલોય, અશ્વગંધા જેવા ઔષધિઓમાંથી કોરોનાની સંશોધન આધારિત દવા તૈયાર કરી છે.