આયુષ્માન ભારતના લાભાર્થીઓની સંખ્યા 1 કરોડને પાર, PM મોદીએ આપી શુભેચ્છા

વડા પ્રધાન નરેન્દ્ર મોદીએ બુધવારે દેશની મુખ્ય જાહેર આરોગ્ય વીમા યોજના, આયુષ્માન ભારત યોજનાના "1 કરોડ લાભાર્થી" સાથે વાતચીત કરી હતી અને વિશ્વના "સૌથી મોટા સ્વાસ્થ્ય સંભાળ કાર્યક્રમ સાથે સંકળાયેલા તમામ વ્યક્તિઓ અને સંગઠનોનો આભાર માન્યો હતો.

નવી દિલ્હી: 'આયુષ્માન ભારત' યોજનાનો લાભ મેળવનારા લોકોની સંખ્યા એક કરોડને પાર થઇ ગઈ છે. વડા પ્રધાન નરેન્દ્ર મોદીએ બુધવારે નોંધ્યું હતું કે, આ પહેલની અનેક લોકો પર સકારાત્મક અસર પડી છે.

સપ્ટેમ્બર 2018 માં, મોદીએ વડા પ્રધાન જન આરોગ્ય યોજના-આયુષ્માન ભારત શરૂ કર્યું હતું. તેને વિશ્વની સૌથી મોટી સરકાર દ્વારા પ્રાયોજિત આરોગ્યસંભાળ યોજના તરીકે ઓળખવામાં આવી છે.

વડા પ્રધાને ટ્વીટર પર લખ્યું કે, "તે દરેક ભારતીયને ગૌરવ આપશે કે આયુષ્માન ભારત લાભાર્થીઓની સંખ્યા 1 કરોડને પાર થઇ ગઈ છે. બે વર્ષથી ઓછા સમયમાં આ પહેલ ઘણા લોકોના જીવન પર સકારાત્મક અસર કરી છે."

તેમણે તમામ લાભાર્થીઓ અને તેમના પરિવારોને અભિનંદન આપ્યા અને તેમના સારા સ્વાસ્થ્ય માટે પ્રાર્થના કરી હતી. તેમણે આયુષ્માન ભારત સાથે સંકળાયેલા ડૉકટરો, નર્સો, આરોગ્યસંભાળ કામદારો અને અન્ય તમામ લોકોની પ્રશંસા કરતાં કહ્યું કે, તેમના પ્રયત્નોથી તે વિશ્વનો સૌથી મોટો આરોગ્યસંભાળ કાર્યક્રમ બન્યો છે.

વધુમાં તેમણે કહ્યું કે, આ પહેલથી ઘણા ભારતીયોનો, ખાસ કરીને ગરીબ અને પ્રાથમિક જરુરિયાતથી વંચિચ લોકોનો વિશ્વાસ જીત્યો છે. આયુષ્માન ભારતનો સૌથી મોટો ફાયદો એ પોર્ટેબીલીટી છે.

"લાભાર્થીઓ માત્ર જ્યાં તેઓ નોંધણી કરાવી ત્યાં જ ઉચ્ચ ગુણવત્તાની અને સસ્તી તબીબી સંભાળ મેળવી શકે છે, પરંતુ ભારતના અન્ય ભાગોમાં પણ આ મદદ કરે છે. જેઓ ઘરેથી દૂર કામ કરે છે અથવા જ્યાં તેઓ ન હોય તેવા સ્થળે નોંધાયેલા છે."

તેમણે જણાવ્યું હતું કે તેમના સત્તાવાર ટૂર દરમિયાન તેઓ આયુષ્માન ભારત લાભાર્થીઓ સાથે વાતચીત કરશે.

તેમણે કહ્યું, 'દુઃખની વાત એ છે કે, આ દિવસો શક્ય નથી પણ 1 કરોડના લાભાર્થી મેઘાલયની પૂજા થાપા સાથે મારો મોટો ટેલિફોન સંવાદ થયો હતો.

વડાપ્રધાને વાતચીતની ઓડિયો ક્લિપ શેર કરી હતી. જેમાં થાપા નામના સૈનિકની પત્ની છે, તેમણે આયુષ્માન ભારત સુવિધાનો ઉપયોગ કરીને શિલ્લોંગમાં સર્જરી કરાવી હતી. તેના પતિ મણિપુરમાં પોસ્ટ પર છે અને કોરોના વાઇરસ લોકડાઉનને કારણે તેની સાથે રહી શક્યો નહીં. પડોશીઓ દ્વારા તેના બે નાના બાળકોની સંભાળ લેવામાં આવી રહી છે.

વડા પ્રધાન દ્વારા પૂછવામાં આવતા, થાપાએ કહ્યું કે, તેમને સર્જરી અને દવાઓ ચૂકવવાની જરૂર નથી. તેણે જણાવ્યું હતું કે, સ્કીમ કાર્ડ વિના તેને લોન લીધા વિના સર્જરી માટે જવું મુશ્કેલ થઈ ગયું હોત.