આજે વડાપ્રધાન મોદી ખંડવા તેમજ ઈંદૌરમાં જનસભા સંબોધશે

ભોપાલ: મધ્યપ્રદેશમાં 8 બેઠક પર યોજાનાર સાતમા તબક્કાના મતદાન માટે ચૂંટણી પ્રચાર જોરશોરમાં છે. આ સાથે જ વડાપ્રધાન મોદી રવિવારે રાજ્યની યાત્રા પર આવી રહ્યાં છે. તેઓ ખંડવા તેમજ ઈન્દોરમાં જનસભાને સંબોધિત કરશે.

મળતી માહિતી પ્રમાણે, વડાપ્રધાન મોદી રવિવારે બે જનસભાને સંબોધિત કરશે. તેમની પ્રથમ જનસભા સાંજે 4 કલાકે ખંડવાના છંગાંવ માખનના વી.રમન વિશ્વવિદ્યાલય ગ્રાઉન્ડમાં અને બીજી જનસભા સાંજે 6 કલાકે ઈંદૌરના દશહરા ગ્રાઉન્ડ પર યોજાશે.

આપને જણાવી દઈએ કે, માલવા અંચલની આઠ બેઠકો પર 19 મેના મતદાન થવાનું છે. આ વિસ્તારને ભાજપનો ગઢ માનવામાં આવે છે. ત્યારે વર્તમાનમાં આઠ બેઠકોમાંથી સાત બેઠકો પર ભાજપનો કબ્જો છે.