ચંડીગઢઃ પંજાબમાં ભારતીય વાયુસેનાનું એક ફાઇટર પ્લેન ક્રેશ થયું છે. નવાંશહર જિલ્લાના ચુહાડપુરમાં શુક્રવારે મિગ 29 ક્રેશ થયું હતું. રાહતની વાત એ છે કે, પાયલટે પ્લેન ક્રેશ થવા પહેલા પોતાનો જીવ બચાવ્યો હતો. જો કે, પાયલટ એમ કે પાંડેટની હાલત ગંભીર છે અને તેમણે સિવિલ હોસ્પિટલમાં સારવાર માટે દાખલ કરવામાં આવ્યો છે.
ફાઇટર પ્લેન મિગ-29 ક્રેશ થયું, પાયલટની હાલત ગંભીર
મિગ 29ના ક્રેશ થવાની માહિતીથી આસપાસના ગામના લોકો ઘટનાસ્થળે પહોંચ્યા હતા. જે બાદ જિલ્લા અને પોલીસ પ્રશાસનના અધિકારી પણ ઘટનાસ્થળે પહોંચ્યા હતા. વાયુસેનાએ આ ઘટના અંગે જાણકારી આપી હતી અને જણાવ્યું હતું કે, વાયુસેનાના અધિકારીઓ ઘટનાસ્થળે છે.