ભારે વરસાદને કારણે મુંબઈના અનેક વિસ્તારો પાણીમાં ભરાયા, રોડ પર ટ્રાફિક જામ થયા

મુંબઈ: દેશની આર્થિક રાજધાની મુંબઈમાં ભારે વરસાદના કારણે રસ્તાઓ પર જામ લાગી ગયો છે. જેને કારણે વાહન અને લોકોને આવવા-જવામાં મુશ્કેલીનો સામનો કરવો પડે છે.આ મૌસમના પહેલા વરસાદમાં જ મુંબઈ પાણી પાણી થઈ ગયું હતું. મુંબઈના રસ્તાઓ પર ભરાયેલા પાણી જોતા લાગી રહ્યું છે કે, મહારાષ્ટ્રમાં ચોમાસું બેસી ગયું છે.

પ્રાપ્ત વિગતો મુજબ જોઈએ તો મુંબઈના ધારાવી, અંધેરી, વસઈ, કાંદિવલી, બોરીવલી સહિતના અન્ય વિસ્તારોમાં પણ ભારે વરસાદના કારણે ભરાવો થઈ ગયો છે. જેને કારણે લોકોને ખાસ્સી તકલીફ વેઠવી પડે છે. વરસાદને કારણે રસ્તાઓ ટ્રાફિક વધી રહ્યો છે, જામ થઈ રહ્યું છે. વરસાદના કારણે લોકલ રેલ સેવામાં પણ ભારે અસર વર્તાઈ રહી છે.