જમ્મુ કાશ્મીરના પુંછમાં સેના અને આતંકવાદી વચ્ચે ગોળીબારી, ત્રણ આતંકવાદીઓ ઘેરાયા

જમ્મુ કાશ્મીરના પુંછના મુગલ રોડ વિસ્તારમાં સેના અને આતંકવાદીઓ વચ્ચે ગોળીબારી ચાલી રહી છે, જેમાં ત્રણ આતંકવાદીઓને સેનાએ ઘેરી લીધા છે. આ વાતની જાણકારી ડીજીપીએ આપી હતી.

• જમ્મુ કાશ્મીરના પુંછમાં ગોળીબારી
• સેના અને આતંકવાદી વચ્ચે ગોળીબારી
• ત્રણ આતંકવાદીઓ ઘેરાયા

શ્રીનગરઃ જમ્મુ-કાશ્મીરના પુંછમાં સેના અને આતંકવાદીઓ વચ્ચે ગોળીબારી ચાલી રહી છે, મુગલ રોડના ચટ્ટા પાની વિસ્તારમાં સેનાએ ત્રણ આતંકવાદીઓને ઘેરી લીધા હોવાની માહિતી મળી છે.

મુગલ રોજ વિસ્તારમાં આતંકવાદીઓ છુપાયેલા હોવાની માહિતી મળતા રવિવારના રોજ તેમને પકડવા માટે અભિયાન હાથ ધરવામાં આવ્યું હતું, પોલીસે જણાવ્યું કે, આ અભિયાન દ્વારા ચટ્ટા પાની વિસ્તારમાં આતંકવાદીએ ફાયરિંગ કર્યું હતું.

તેમનું માનવું છે કે આ વિસ્તારમાં ત્રણ આતંકવાદીઓ છુપાયેલા છે. જેમાં એક સ્થાનિક છે અને બે વિદેશી છે. તેમનું કહેવું છે કે આત્મસમર્પણ માટે દબાવ બનાવવામાં આવી રહ્યો છે. પણ તેઓ તેના માટે તૈયાર નથી, જેથી સેના અને આતંકવાદીઓ વચ્ચે ગોળીબારી ચાલી રહી છે.

જમ્મુ કાશ્મીરના ડીજીપી પોલીસ દિલબાગ સિંહએ પણ પુંછના સુરનકોટના ચટ્ટા પાની વિસ્તારમાં ગોળીબારની જાણકારી આપી છે. તેમને જણાવ્યું કે, ત્રણ આતંકવાદીઓને ઘેરી લીધા છે અને ગોળીબારી ચાલી રહી છે.