પ્લાસ્ટિક સામે લડાઈ: આ વ્યક્તિએ બનાવ્યું નોન-પ્લાસ્ટિક UPI આધારિત ક્રેડિટ કાર્ડ

તમામ સંઘર્ષોનો સામનો કર્યા બાદ, હૈદરાબાદનો આ યુવક તેની સખત મહેનત અને દ્રઢ નિશ્ચયથી પ્લાસ્ટિક વિનાનું UPI આધારિત ક્રેડિટ કાર્ડ બનાવવામાં સફળ થયો છે. તેનું લક્ષ્ય છે કે, પહેલા હૈદરાબાદમાં અને ત્યારબાદ સમગ્ર ભારતમાં પ્લાસ્ટિકનો ઉપયોગ ઓછો કરવાનો માર્ગ નિશ્ચિત કરવો.

હૈદરાબાદ: તમામ સંઘર્ષોનો સામનો કરવો પડ્યો હોવા છતાં, હૈદરાબાદનો આ યુવક તેની સખત મહેનત અને દ્રઢ નિશ્ચયથી પ્લાસ્ટિક વિગરનું UPI આધારિત ક્રેડિટ કાર્ડ બનાવવામાં સફળ થયો છે. તેનું લક્ષ્ય છે કે, પહેલા હૈદરાબાદમાં અને ત્યારબાદ સમગ્ર ભારતમાં પ્લાસ્ટિકનો ઉપયોગ ઓછો કરવાનો માર્ગ નિશ્ચિત કરવો.

આ અનોખી પહેલ માટે વિશાલ રંજનને બેન્ક અથવા લોકો તરફથી કોઈ પ્રશંસા કે સમર્થન મળ્યું નહતું. તેમ છતાં આશરે બે વર્ષના સતત પ્રયત્નો બાદ તે 'વીકાર્ડ' નામનું આ UPI આધારિત ક્રેડિટ કાર્ડ બનાવવામાં સફળ થયો છે.

વીકાર્ડ સ્માર્ટફોન દ્વારા કાર્ય કરે છે અને તેની પ્રક્રિયા અન્ય ક્રેડિટ કાર્ડ્સ જેવી જ છે. જોકે આ પ્રક્રિયામાં પ્લાસ્ટિક દ્વારા બનાવેલા કાર્ડનો ઉપયોગ થતો નથી.

બેંકો સામાન્ય રીતે લોકોને ન્યૂનતમ એકાઉન્ટ બેલેન્સ અને ચોક્કસ સંખ્યામાં વ્યવહારો કર્યા બાદ ક્રેડિટ કાર્ડ આપે છે. પરંતુ વીકાર્ડ લોકોને ખાતામાં ન્યૂનતમ બેલેન્સ હોવા છતાં તમામ સુવિધાઓનો ઉપયોગ કરવાની મંજૂરી આપે છે.

વીકાર્ડ રાષ્ટ્રીય ચુકવણી નિગમ દ્વારા સંચાલિત યુનિફાઈડ પેમેન્ટ ઈન્ટરફેસની સહાયથી કાર્ય કરે છે. આ માટેની મંજૂરીઓ રિઝર્વ બેંક ઓફ ઈન્ડિયા પાસેથી લેવામાં આવી છે.

કાર્ડમાં બે લાખ રૂપિયાની મર્યાદા છે અને વીકાર્ડ મોબાઈલ એપ્લિકેશન દ્વારા કાર્ય કરે છે. ઉપાડ માટે જરૂરી રકમ વધુ ઉપયોગ માટે એપ્લિકેશન એકાઉન્ટમાં જમા કરવામાં આવે છે.

સામાન્ય કેર્ડિટ કાર્ડની જેમ ઉપાડની રકમ વપરાશના 30 દિવસની અંદર જમા કરવાની રહેશે. આ ઉપરાંત વીકાર્ડ હપ્તા અથવા EMIના રૂપમાં પણ વ્યવહારની સુવિધા આપે છે.

વિશાલ કોલકાતાનો MBA ગ્રેજ્યુએટ છે. તેણે આ સ્ટાર્ટઅપને વાસ્તવિકતામાં ફેરવવા માટે બે વર્ષ સુધી સખત મહેનત અને સંઘર્ષ કર્યો છે. વિશાલે દેશની 100થી વધુ હોસ્પિટલ્સને ટેકનિકલ સહાય પૂરી પાડી છે, સાથે જ અનેક કંપનીઓમાં સલાહકાર તરીકે પણ કામ કર્યું છે.

જલદી જ તેને લાગ્યું કે પ્લાસ્ટિક આધારિત કાર્ડ્સનો દર ભારતમાં અન્ય દેશોની સરખામણીએ ઓછો છે, આ સંખ્યામાં વધારો થાય તે પહેલાં આ સંદર્ભમાં કામ કરવાની વિશાલને પ્રેરણા મળી.

જો વીકાર્ડ હજી પણ એટલું જ અસરકારક સાબિત થાય છે, તો ભારત સરકાર તેના ઉપયોગમાં વધારો કરી શકે છે, અને વર્તમાન મોડને જૂનું જાહેર કરી શકે છે.

વિશાલે હવે વીકાર્ડમાં સુધારો કરવાનું કામ શરૂ કર્યું છે. તે હાલમાં ભારતના 47 શહેરોમાં આ સેવા આપી રહ્યો છે અને આગામી સમયમાં તેને વધુ શહેરોમાં શરૂ કરવાની પણ યોજના છે.