ઝારખંડ: રાજ્યમાં કોરોનાથી સંક્રમિત લોકોની સંખ્યા 181 પર પહોંચી, 3ના મોત

દેશમાં છેલ્લા 24 કલાકમાં કોરોના વાઇરસના ચેપને કારણે 134 લોકોના મૃત્યુ પછી, આ રોગને કારણે મૃત્યુ પામનારા લોકોની સંખ્યા 2,549 થઈ ગઈ છે અને કોરોનાના 3,722 નવા કેસ નોંધાયા છે અને ચેપગ્રસ્ત લોકોની સંખ્યા વધીને 78,003 થઈ ગઈ છે. જેની માહિતી કેન્દ્રીય આરોગ્ય મંત્રાલયે આપી છે.

રાંચી (ઝારખંડ): ઝારખંડ રાજ્યમાં કોરોનાથી સંક્રમિત દર્દીઓની સંખ્યામાં સતત વધારો થઈ રહ્યો છે. બુધવારે ઝારખંડના ત્રણ જિલ્લામાંથી કુલ 8 કોરોના પોઝિટિવ દર્દીઓ મળી આવ્યા હતા. જેમાં ગિરિડીહ જિલ્લામાં 4, કોડરમાં 2 અને રાંચી જિલ્લામાંથી 2 સંક્રમિત દર્દીઓની પુષ્ટિ થઇ હતી.

એક તરફ કોરોનાથી ચેપગ્રસ્ત દર્દીઓની સંખ્યામાં વધારો થઈ રહ્યો છે, તો બીજી તરફ રાહતની વાત છે કે, આ ખતરનાક વાઇરસથી મુક્ત થનારા દર્દીઓની સંખ્યામાં પણ વધારો થઈ રહ્યો છે. સમગ્ર રાજ્યમાં અત્યાર સુધીમાં 87 દર્દીઓ કોરોનાથી સાજા થયા છે અને તેમને હોસ્પિટલમાંથી રજા આપવામાં આવી છે.

રાજ્યમાં કોરોનાની સ્ખ્યાં વધીને 181 થઇ

રાજ્યમાં ચેપગ્રસ્ત લોકોની સંખ્યા વધીને 181 થઈ ગઈ છે, ઝારખંડના આરોગ્ય સચિવ નીતિન મદન કુલકર્ણીએ માહિતી આપી હતી કે, કોડરમાથી બે દર્દીઓ મળી આવ્યા હતા. આ સાથે રાજ્યમાં કોરોના દર્દીઓની સંખ્યા વધીને 181 થઈ ગઈ છે.