રાજસ્થાન: કોટામાં બાળકોના મોતનો આંકડો 100 થયો, રાજ્ય સરકારનું 'ભેદી મૌન'

કોટા: ડિસેમ્બરના છેલ્લા બે દિવસમાં જેકે લોન હોસ્પિટલમાં વધુ 9 બાળકોનાં મોત થયાં છે. આ સાથે જ, ડિસેમ્બરમાં હોસ્પિટલમાં મૃત્યુ પામનારા બાળકોની સંખ્યા 100 પર પહોંચી ગઈ છે. 21થી 31 ડિસેમ્બર દરમિયાન જેકે લોન હોસ્પિટલમાં 42 બાળકોનાં મોત થયાં હતાં. વર્ષ 2019ની વાત કરીએ તો આ આંકડો 963 થઈ ગયો છે. જોકે, તેમ છતાં છેલ્લા 6 વર્ષમાં તે સૌથી ઓછો છે.

જેકે લોન હોસ્પિટલમાં ડિસેમ્બર મહિનામાં છેલ્લા બે દિવસમાં 10 બાળકોમા મોત થતાં મામલો દેશભરમાં ગરમાયો હતો. કેન્દ્ર સરકારથી લઈને રાજ્ય સરકાર સુધીની તપાસ કમિટિઓ ઘટનાની તપાસ કરી રહી છે. આ કમિટિઓએ બાળકોના મૃત્યુને સ્વાભાવિક નથી ગણાવ્યા. જોકે ડોક્ટર્સની બેદરકારી હોવાની વાત પણ નકારી કાઢી છે.

ડિસેમ્બર મહિનાની વાત કરવામાં આવે તો, 2019ના છેલ્લા મહિનામાં જેકે લોન હોસ્પિટલમાં 100 બાળકોના મોત થયા હતા. 21થી 31 ડિસેમ્બર વચ્ચે 42 બાળકોના મોત થયા હતા. 2019ના વર્ષ દરમિયાન આ આંકડો 963 નોંધાયો હતો. તેમ છતાં ગત છ વર્ષમાં આ આંકડો સૌથી ઓછો રહ્યો હતો. વર્ષ 2019માં મહિના પ્રમાણે જોઈએ તો. જાન્યુઆરીમાં 72, ફેબ્રુઆરીમાં 61, માર્ચમાં 63, એપ્રિલમાં 77, મે મહિનામાં 80, જૂનમાં 65, જુલાઈમાં 76, ઓગસ્ટમાં 87, સપ્ટેમ્બરમાં 90, ઓક્ટોબરમાં 91, નવેમ્બરમાં 101 અને ડિસેમ્બરમાં 100 નવજાત બાળકોના મોત થયા હતા.

જોકે આ આંકડા દર્શાવે છે કે, મૃત્યુનો દર છેલ્લા છ વર્ષમાં સૌથી ઓછો છે. વર્ષ 2014માં કુલ 1198, વર્ષ 2015માં 1260, 2016માં 1193, 2017માં 1027, 2018માં 1005 અને વર્ષ 2019માં 963 બાળકોના મોત થયા હતા. ડિસેમ્બરમાં બાળકોના મોત બાદ ઘટના અંગે રાજનીતિ શરુ થઈ હતી. રાજ્યના વિરોધ પક્ષ ભાજપે સત્તાધારી પક્ષ કોંગ્રેસ પર આરોપ લગાવ્યા અને કોંગ્રેસે ભાજપ ઉપર પ્રત્યારોપ કર્યા હતા.

બાળકોના મોતના મામલે ડોક્ટર્સ કંઈ પણ કહેવા તૈયાર નથી. જોકે તેમણે તર્ક આપ્યો છે કે, બાળકોના મોત ગંભીર રીતે બિમાર હોવાને કારણે થયા છે. જેકે લોન હોસ્પિટલમાં મોટાભાગના બાળકો બીજી હોસ્પિટલમાંથી રિફર કરવામાં આવે છે. જેમાં ઝાલાવાડ, કોટા, બૂંદી, બારાં અને મધ્યપ્રદેશથી પણ બાળકોને રિફર કરવામાં આવે છે.