કોરોના અપડેટ: ભારતમાં 12 કલાકમાં 490 નવા કેસ, દેશમાં 4 હજારથી પણ વધુ લોકો સંક્રમિત

નવી દિલ્હીઃ દેશમાં કોરોના સંક્રમણના કેસ વધતા જઈ રહ્યા છે. રવિવારે પોઝિટિવ કેસ વધીને 4289 થઈ ગયા છે. મુંબઈમાં સૌથી 433 કોરોનાના દર્દી છે. શહેરમાં એક દિવસમાં જ સંક્રમણના 103 નવા કેસ સામે આવ્યા છે અને 8 લોકોના મોત થયા છે. આ સાથે જ શહેરમાં કુલ મોતનો આંકડો 30 થઈ ગયો છે. તો બીજી બાજુ એમપીની રાજધાની ભોપાલમાં રવિવારે 23 લોકોનો રિપોર્ટ પોઝિટિવ આવ્યો છે. જેમાં ત્રણ ડોક્ટર પણ છે. તમામને એઈમ્સમાં ભરતી કરવામાં આવ્યા છે. આ સાથે જ શહેરમાં કોરોના પોઝિટિવ દર્દીઓની સંખ્યા 41 થઈ ગઈ છે. આ સાથે સ્વાસ્થ્ય મંત્રાલયે જણાવ્યું કે, દેશમાં તબલીઘ જમાતનું પ્રકરણ સામે આવ્યા બાદ સંક્રમણના કેસની ગતિ લગભગ બમણી થઈ ગઈ છે.

દેશભરમાં 100થી વધુ મોત

આરોગ્ય અને પરિવાર કલ્યાણ મંત્રાલયે જાહેર કરેલા આંકડા મુજબ, દેશભરમાં 4067 લોકો ચેપગ્રસ્ત છે. તેમાંથી 3666ની સારવાર ચાલી રહી છે અને 291ને હોસ્પિટલમાંથી રજા આપવામાં આવી છે. તે જ સમયે ચેપથી મૃત્યુઆંક વધીને 109 થઈ ગયો છે.

કોરોના LIVE

રાજસ્થાનમાં 8 નવા દર્દીઓ મળી આવ્યા

રાજસ્થાનમાં આઠ લોકોને વધુ કોરોના વાયરસથી ચેપ લાગ્યો છે. ઝુંઝુનુમાં પાંચ, ડુંગરપુરમાં બે અને કોટામાં એક. ઝુંઝુનુના પાંચ લોકો અને ડુંગરપુરના એક લોકોએ દિલ્હીમાં તબલીગી જમાત કાર્યક્રમમાં હાજરી આપી હતી. રાજ્યમાં સંક્રમિતોની કુલ સંખ્યા 274 પર પહોંચી ગઈ છે.

મધ્યપ્રદેશમાં 15 મોત

ભોપાલમાં રવિવારે રાત્રે કોરોના વાયરસથી 62વર્ષીય વ્યક્તિનું મોત નીપજ્યું હતું. ભોપાલમાં આ પહેલું મોત છે. ભોપાલ આરોગ્ય અધિકારીએ માહિતી આપી હતી કે મધ્યપ્રદેશમાં અત્યાર સુધીમાં કુલ 15 મૃત્યુ થયા છે.