છત્તીસગઢ: અચનાકમાર ટાઈગર રિઝર્વમાં કેમેરામાં ઝડપાયો બ્લેક પેન્થર

છત્તીસગઢમાં વન વિભાગના અધિકારીઓએ 7 વર્ષ બાદ બિલાસપુર જિલ્લાના અચનાકમાર ટાઈગર રિઝર્વમાં એક દુર્લભ બ્લેક પેન્થર(કાળા દિપડો) જોવા મળ્યો છે.

છત્તીસગઢ: વાઘની ગણતરી કરવા માટે અચનાકમાર ટાઈગર રિઝર્વમાં ગોઠવવામાં આવેલા ટ્રેપ કેમેરામાં બ્લેક પેન્થરની તસવીર કેદ થઈ છે. NTCA એટલે કે નેશનલ ટાઈગર કન્ઝર્વેશન ઓથોરિટીના માર્ગદર્શિકા અનુસાર ફેસ ફોર મોનિટરિંગ હેઠળ અચનાકમાર ટાઈગર રિઝર્વના જંગલમાં ટ્રેપ કેમેરા લગાવવામાં આવ્યા હતા.

આ વાઘોની વસ્તી ગણતરી 1 એપ્રિલથી શરૂ થઈ હતી, અને 25 એપ્રિલ સુધી ચાલી હતી. ગણતરી માટે સ્થાપિત ટ્રેપ કેમેરામાં બ્લેક પેન્થરની તસવીર કેદ થઈ છે. એવી માન્યતા છે કે, દિપડોમાં મેલાનિન વધારે હોવાને કારણે તે કાળો દેખાઈ રહ્યો છે. આ કાળા દિપડાને બ્લેક પેન્થર કહેવામાં આવે છે.

પ્રથમ વર્ષ 2011-12માં પણ બ્લેક પેન્થર અચાનકમાર ટાઈગર રિઝર્વની છાપવા અને લામાણી રેન્જમાં જોવા મળ્યો હતો. પોલીસ અધિકારી દિપાંશુ કાબરાએ અગાઉ અને વર્તમાન તસવીરો ટ્વિટર દ્વારા શેર કરી છે.

વાઘની વસ્તી ગણતરી

25 દિવસની ગણતરી પછી ATRમાં આ દિવસોમાં વાઘના આંકડા એકત્રીત કરવામાં આવી રહ્યો છે. જેના પરથી જાણી શકાય છે કે, અચનાકમાર ટાઈગર રિઝર્વમાં વાઘની વાસ્તવિક સંખ્યા કેટલી છે.