વિરેન્દ્ર સેહવાગની પત્નીના નામ પર કરોડોની ઉચાપત, કોર્ટની નોટીસ મળતા થયો ખુલાસો

નવી દિલ્હીઃ વિરેન્દ્ર સહેવાગની પત્નીને એક ખાનગી કંપનીમાં ભાગીદારી કરવી મોંઘી પડી છે. આ કંપનીના માલિકે તેમના નામે ખોટા હસ્તાક્ષર કરી 4.5 કરોડ રૂપીયાની લોન લીધી હતી. લોનની રકમની ભરપાઈ ન કરતા સેહવાગના ઘરે કોર્ટની નોટીસ આવી હતી જેથી આ સમગ્ર મામલે ખુલાસો થયો હતો. આરતી સેહવાગે આ અંગે આર્થીક અપરાઘ શાખામાં ફરીયાદ કરી હતી. પોલીસે ફરિયાદના આધારે વઘુ તપાસ હાથ ધરી છે.

સમગ્ર માહિતી અનુસાર, આરતી સેહવાગે આર્થિક અપરાધ શાખામાં ઉચાપતની ફરીયાદ નોંધાવી હતી. જેમાં તેઓએ કહ્યું હતું કે, અશોક વિહાર સ્થિત એક ખાનગી કંપનીમાં ભાગીદારી છે, પરંતુ સક્રીય રીતે નહી. આ કંપનીના ડાયરેક્ટર રોહિત કક્કડે તેમને કહ્યું હતું કે, કંપનીમાં રૂપીયા લગાવાથી ફાયદો થશે. તેથી તેઓએ માત્ર રૂપીયા લગાવ્યા હતાં પરંતુ, તેમણે કંપનીના તમામ પાર્ટનરોને પહેલા જ કહ્યું હતું કે તેઓ સક્રિય રીતે કંપનીનું કામ નહીં કરી શકે.

આરતી સેહવાગના નામ પર લિધેલી લોન આ કંપનીના 8 સદસ્યોંએ માલવીયા નગર સ્થિત લખન પાલ પ્રમોટર્સ એન્ડ બિલ્ડર્સ પ્રાઈવેટ લિમિટેડ નામની કંપની સાથે સંપર્ક કરી 4.5 કરોડની લોન લીધી હતી અને આ મામલે તેઓએ આરતી પાસે કોઈ પ્રકારની મંજૂરી લીધી ન હતી.

આરોપીઓએ લોન લેવા માટે આરતી સેહવાગ તેમજ તેમના પતિ વિરેન્દ્ર સેહવાગના નામનો ઉપયોગ કર્યો હતો. આરતીએ પોલીસને કહ્યું કે લોન લેવા માટે જરૂરી દસ્તાવેજો પર હસ્તાક્ષર પણ આરોપીઓએ પોતાની જાતે જ કર્યા હતા. લોનની રકમની ભરપાઇ ન કરતા કંપનીએ કોર્ટના દરવાજા ખખડાવ્યા હતા અને કોર્ટની નોટીસ આરતીના ઘરે આવતા તમામ મામલાનો ખુલાસો થયો હતો.