નવી દિલ્હી: લાર્સન એન્ડ ટુબ્રો (એલ એન્ડ ટી) મુંબઈ-અમદાવાદ બુલેટ ટ્રેન પ્રોજેક્ટમાં સૌથી નીચી બોલી લગાવનાર તરીકે સામે આવી છે. આર્થિક હરાજી 19 ઓક્ટોબરના રોજ ખોલવામાં આવી હતી, જેમાં સાત મોટી કંપનીઓ સામેલ હતી, જેમાં ત્રણ કંપનીઓએ પોતાની બોલી લગાવી હતી.
અમદાવાદથી મુંબઇ સુધીના 508 કિલોમીટર બુલેટ ટ્રેન પ્રોજેક્ટમાં 237 કિલોમીટર લાંબા બ્રિજની ડિઝાઇન અને બાંધકામ માટેના ટેન્ડરમાં એલ એન્ડ ટી સૌથી ઓછી બોલી લગાવનાર કંપની છે. NHSRCL એ સોમવારે એક સત્તાવાર નિવેદનમાં જણાવ્યું હતું કે, પ્રોજેક્ટના 237 કિલોમીટર લાંબા રેલવે બ્રિજની ડિઝાઇન અને બાંધકામ માટે ટેન્ડર શરૂ કરાયા હતા.એલ એન્ટ ટી તેમાં સૌથી ઓછી બોલી લગાવનાર કંપની તરીકે સામે આવી છે.
સૂત્રોના જણાવ્યા અનુસાર આ કરાર 24,985 કરોડ રૂપિયાનો છે. એલ એન્ડ ટી સૌથી મોટા સિવિલ કરાર મેળવવા તરફ આગળ વધી રહ્યું છે. મુંબઈ-અમદાવાદ બુલેટ ટ્રેન પ્રોજેક્ટ નેશનલ હાઈસ્પીડ રેલ કોર્પોરેશન લિમિટેડ દ્વારા બનાવવામાં આવી રહી છે. તે 508 કિલોમીટર લાંબી રેલ્વે પ્રોજેક્ટ છે જેનો વિકાસ જાપાનના સહયોગથી થઈ રહ્યો છે.