ભાજપે જાહેર કરી 36 ઉમેદવારોની ત્રીજી યાદી, સંબિત પાત્રા પૂરીથી લડશે ચૂંટણી

ન્યૂઝ ડેસ્કઃ ભાજપે આજે 36 ઉમેદવારોની ત્રીજી યાદી જાહેર કરી છે. આ પહેલા BJPએ 184 ઉમેદવારોએ પહેલી લિસ્ટ અને એક ઉમેદવારની બીજી લિસ્ટ જાહેર કરી હતી. BJPની ત્રીજી યાદીમાં આંધ્ર પ્રદેશ, આસામ, મહારાષ્ટ્ર તથા ઓડિસાની અલગ-અલગ બેઠકોનો સમાવેશ થયેલો છે.

ભાજપે જાહેર કરેલી બીજી યાદીમાં 36 ઉમેદવારોના નામ પર મહોર લાગી છે. જેમાં સૌથી અગત્યનું નામ ભાજપના રાષ્ટ્રીય પ્રવક્તા સંબિત પાત્રા પૂરી (ઓડિસા), ગીરીશ બાપત પૂણે (મહારાષ્ટ્ર), દીલીપ કુમાર કિલારુ વિજયવાડા (આંધ્ર પ્રદેશ), ભારતી પવાર ડિંડોરી (મહારાષ્ટ્ર), સંબોર સુલાઈ સીલોંગ (મેઘાલય)થી ચૂંટણી લડશે.

ભાજપની મળેલી સેન્ટ્રલ ઇલેક્શન કમિટિની બેઠક બાદ આ નિર્ણય લેવાયો હતો. આ બેઠકમાં વડાપ્રધાન મોદી, ગૃહપ્રધાન રાજનાથ સિંહ, નાણા પ્રધાન અરુણ જેટલી તથા વિદેશપ્રધાન સુષમા સ્વરાજ હાજર રહ્યા હતા.

આપને જણાવી દઈએ કે આગામી 17મી લોકસભા ચૂંટણી માટે 11 એપ્રિલના રોજ પ્રથમ તબક્કાનું મતદાન થવાનું છે. આ ચૂંટણી સમગ્ર દેશમાં અલગ-અલગ 7 તબક્કામાં યોજાશે. જેનું પરિણામ 23 મેના રોજ આવશે.