બંગાળ: ભાજપ ઉમેદવારની ખુલ્લી ધમકી, યુપીથી માણસો બોલાવી ફટકારીશ

કલકત્તા: પશ્ચિમ બંગાળમાં ઘટલથી ભાજપ ઉમેદવાર અને પૂર્વ આઈપીએસ અધિકારી ભારતી ઘોષે ટીએમસી કાર્યકર્તાઓને ધમકી આપતા કહ્યું હતું કે, લોકોને મત આપતા રોક્યા તો ફટકારીશ.

તેમણે કહ્યું હતું કે, તમે લોકો ધમકી આપી રહ્યા છો કે, લોકો મત ન આપે. પણ જો મતદારોને ધમકી આપી તો તૃણમૂલના કાર્યકરોને તેમના ઘરમાંથી ખેંચીને મારીશ.

આગળ તેમણે ધમકી આપતા કહ્યું કે, તેના માટે ભલે યુપીથી એક હજાર માણસો બોલાવા પડે તો બોલાવીશ.