મેષ :આપનો આજનો દિવસ મિશ્ર ફળ આપનાર હશે. આજે આપ તબિયતમાં થોડી અસ્વસ્થતા અને બેચેની અનુભવી શકો છો માટે સ્વાસ્થ્યપ્રદ ખોરાક, પુરતી ઊંઘ અને નિયમિત જીવનશૈલીના આગ્રહી બનજો. ગુસ્સાનું પ્રમાણ વધારે રહેતું હોય તો અત્યારે સંભાળજો જેથી સંબંધોમાં તણાવ ટાળી શકાય. જો કે, વ્યાપક રીતે જોવામાં આવે તો આજે આપનું વલણ ન્યાય ભરેલું રહે. નિર્ધારિત કાર્ય કરવા તરફ પ્રેરાઇ શકો. ધાર્મિક પ્રવાસનું આયોજન થઇ શકે છે. આજે આપ જે પ્રયત્નો કરો છો તે ખોટી દિશામાં થતાં હોય તેવું બને.
વૃષભ :આપના પર કામનું વધારે પડતુ ભારણ રહેવાને કારણે તેમજ ખાનપાનમાં સાવચેતી ન રાખવાને કારણે સ્વાસ્થ્ય કથળે માટે પહેલું સુખ તે જાતે નર્યા અનુસાર આજે તમારે પોતાની જાત પર વધુ ધ્યાન આપવું પડશે. પૂરતા પ્રમાણમાં ઊંઘ અને આહાર લેજો. આજે પ્રવાસ ન કરો તે વધુ હિતાવહ છે કારણ કે તેમાં વિઘ્નો આવી શકે છે. સમયસર કામ પાર ન પડે તો મન પર લેવાના બદલે શાંત ચિત્તે તેનું નિરાકરણ લાવવાનો પ્રયાસ કરવો. આધ્યાત્મિક વાંચન તેમ જ ધ્યાન અને યોગ આપને માનસિક રાહત આપશે.
મિથુન :આજે આપ મોજશોખ અને મનોરંજનમાં રૂચિ કેળવશો. પરિવારજનો, મિત્રો, પ્રિયજનો સાથે બહાર જવાનું થાય. જાહેર જીવનમાં આપના માનપાન વધશે. આપ વિજાતીય લોકોથી આકર્ષાશો. આપના જીવનમાં કોઇ પ્રણય પ્રસંગની શરૂઆત થઇ શકે. જાહેરમાં માન પ્રતિષ્ઠા મેળવી શકશો. આપ દાન ઘર્મ પણ કરી શકશો.
કર્ક :આપનો આજનો દિવસ આનંદ અને સફળતાનો બની રહેશે. પરિવારમાં ખુશીનું વાતાવરણ જળવાઇ રહેશે. નોકરી કરતા લોકો માટે ઓફિસનું વાતાવરણ પણ સારું રહેશે. આપની હાથ નીચે કામ કરતા લોકો તેમ જ મોસાળથી આપ લાભ મેળવી શકશો. આપનું સ્વાસ્થ્ય સારું રહેશે. નાણાંકીય લાભ થઇ શકે. આપ જરૂરિયાતની વસ્તુઓ પાછળ ખર્ચ કરી શકશો. આપના વિરોધીઓ સામે આપ વિજય મેળવી શકશો.
સિંહ :આજે આપ શારીરિક માનસિક સ્વસ્થતાથી કામ કરશો. સર્જનાત્મક પ્રવૃત્તિઓમાં વિશેષ દિલચશ્તી રહેશે. સાહિત્ય કલાક્ષેત્રે કંઇક નવું સર્જન કરવાની પ્રેરણા મળે. પ્રેમીજનો પ્રિયપાત્ર સાથે મિલન મુલાકાત થાય. સંતાનોના શુભ સમાચાર મળે. ધાર્મિક કે પરોપકારનું કાર્ય આપના મનને આનંદ આપશો.
કન્યા :આપનો આજનો દિવસ અનુકૂળતા અને પ્રતિકૂળતાઓથી મિશ્રિત હશે. પરિવાર પર વધુ ધ્યાન આપવાની સલાહ છે. નોકરી અને વ્યવસાયના સ્થળે ગ્રાહકોની નવી નવી માંગને ધ્યાનમાં રાખવા જતા સામાન્ય કરતા થોડી મુશ્કેલ પરિસ્થિતિ રહે. નોકરીમાં ઉપરી અધિકારીઓ સાથે વધુ પડતી ચર્ચામાં પડવાનું ટાળજો. પ્રતિસ્પર્ધીઓ સાથે વાદવિવાદ ન કરવો. સંતાનો પર પોતાના વિચારો જીદપૂર્વક લાદવાનો પ્રયાસ ના કરવો. પ્રવાસની શક્યતા છે. ધનખર્ચ થાય.