કારગિલ યુદ્ધમાં લડનારા જવાનને ઘોષિત કરાયા વિદેશી

નવી દિલ્હીઃ બે દાયકા પહેલા પાકિસ્તાન સાથે થયેલા કારગિલ યુદ્ધમાં લડનારા જવાન મોહમ્મદ સનાઉલ્લાહને વિદેશી ઘોષિત કરીને કસ્ટડીને કેમ્પમાં મોકલવામાં આવ્યો છે.

આસામના કામરૂપ જિલ્લાના બોકો પોલીસ સ્ટેશન વિસ્તારમાં કોલોહિકાશના નિવાસી 52 વર્ષિય સનાઉલ્લાહ બોર્ડર પોલીસમાં સહાયક ઉપ-નિરીક્ષક તરીકે કામ કરે છે. સનાઉલ્લાહને વિદેશીઓ માટે બનાવેલ ન્યાયાધિકરણે વિદેશી જાહેર કરવામાં આવ્યો છે.

સનાઉલ્લાહનું કહેવું છે કે, તેઓ ભારતીય નાગરિક છે. તેનો પરીવાર 1935 થી આસામમાં રહે છે. તેમની પાસે નાગરિકતાને આધારેના બધા જ ડોક્યુમેન્ટસ હાજર છે. સનાઉલ્લાહનું કહેવું છે કે, તેઓ ન્યાયાધિકરણના નિર્ણય વિરૂદ્ધ હાઈકોર્ટમાં અપીલ કરશે.

જણાવી દઈએ કે, સનાઉલ્લાએ આશરે 30 વર્ષ સુધી સેનમાં ઇલેક્ટ્રોનિક અને મિકેનિકલ એન્જિનીયરના વિભાગમાં સેવાઓ આપી છે. એટલું જ નહીં, 2014 માં તેમણે રાષ્ટ્રપતિ દ્વારા પણ મેડલ મળી ચુક્યું છે.

2008 માં સનાઉલ્લાનું નામ મતદાતાઓની યાદીમાં 'ડી' (શંકાસ્પદ) મતદાર તરીકે નોંધવામાં આવ્યું હતું. ટ્રાયબ્યુનલના સભ્યો અનુસાર, તેમને ટ્રાયબ્યુનલ દ્વારા વિદેશી જાહેર કરવામાં આવ્યા છે.