કોવેક્સીનના હ્યૂમન ટ્રાયલ માટે AIIMSને નથી મળી રહ્યા વોલન્ટિયર્સ

કોરોનાના ડર વચ્ચે દેશના લોકો સ્વદેશી કોવેક્સીનની લોકો ઉત્સુકતાથી રાહ જોઇ રહ્યા છે, પણ તેના ફાઇનલ હ્યૂમન ટ્રાયલ માટે વોલન્ટિયર્સ જ મળી રહ્યા નથી, જેના કારણે આ વેક્સિન જલ્દી લોકોના ઉપયોગ માટે મોટો સવાલ છે.

નવી દિલ્હીઃ કોરોના વેક્સિનને લઇને સમગ્ર દેશમાં ઉત્સુકતા જોવા મળી રહી છે, માનવામાં આવી રહ્યું છે કે 2021ની શરૂઆતમાં જ કોરોનાની વેક્સિન આવી શકે છે અને ત્યારબાદ કોરોનાનો ડર રહેશે નહિં. ત્યારે દેશની સૌથી મોટી હોસ્પિટલ એઇમ્સમાં ચાલી રહેલા આઇસીએમઆર અને ભારત બાયોટેકના મદદથી બનાવવામાં આવી રહેલી કોવેક્સીનના ત્રીજા અને ફાઇનલ ફેજ માટે હ્યૂમન ટ્રાયલ માટે વોલન્ટિયર્સ મળી રહ્યા નથી. જો કે જ્યા સુધી ફાઇનલ સ્ટેજ પુરો નહી થાય ત્યા સુધી સામાન્ય લોકોના ઉપયોગ માટે વેક્સિનને મંજૂરી આપવામાં આવશે નહીં.

સુત્રો પાસેથી મળતી માહિતી પ્રમાણે એઇમ્સમાં કોવેક્સીનના ફાઇનલ સ્ટેજના હ્યૂમન ટ્રાયલ માટે AIIMSને વોલન્ટિયર્સ મળી રહ્યા નથી, જાણવા મળ્યું છે કે વોલન્ટિયર્સને પણ સામાન્ય લોકોની જેમ લાગવા લાગ્યું છે કે, હવે થોડા સમયમાં વેક્સિન બજારમાં આવવાની છે અને તો હ્યૂમન ટ્રાયલનો ભાગ કેમ બનીએ ?

કોવેક્સીનના હ્યૂમન ટ્રાયલ માટે AIIMSને નથી મળી રહ્યા વોલન્ટિયર્સ

ફક્ત 200 વોલન્ટિયર્સએ જ નામ નોંધાવ્યા

મહત્વનું છે કે, સમગ્ર દેશની સાથે દિલ્હી એઇમ્સ મળી કુલ 12 જગ્યા પર વૈક્સિનનું હ્યૂમન ટ્રાયલ ચાલી રહ્યું છે, દિલ્હી એઇમ્સમાં કોવેક્સીનના હ્યૂમન ટ્રાયલ કરવામાં આવી રહ્યું છે. આ ફેજ માટે ઓછામાં ઓછા 1500 વોલન્ટિયર્સની જરૂર છે. જ્યારે અત્યાર સુધી ફક્ત 200 વોલન્ટિયર્સએ જ પોતાનું નામ નોંધાવ્યું છે.

સામાન્ય લોકોને થોડા સમયબાદ મળસે વેક્સિન

મહત્વનું છે કે, ત્રીજા ફેજનું હ્યૂમન ટ્રાયલ સફળતાપૂર્વક નહી થાય ત્યા સુધી વેક્સિનની સેફ્ટી અને એફિસેંસી વિશે જાણવા મળશે નહીં, આવી સ્થિતિમાં, સામાન્ય લોકોના ઉપયોગ માટે રસી મંજૂરી આપવાનાર ઓથોરિટી તેને પાસ કરેશે નહીં. ત્રીજા ટ્રાયલમાં જેટલો સમય લાગશે તેટલી મોળી લોકોને વેક્સિન મળશે.