યુપી સરકારે દૈનિક વેતન મેળવનારા 5 લાખ લોકોના એકાઉન્ટમાં ટ્રાન્સફર કર્યા રૂપિયા

ઉત્તર પ્રદેશ સરકાર લોકડાઉન દરમિયાન ગરીબ અને મજૂરોને આર્થિક મદદ કરી રહીં છે. મુખ્યપ્રધાન યોગી આદિત્યનાથે આ વખતે અંદાજે 5 લાખ દૈનિક વેતન મેળવનારા લોકોના ખાતામાં સીધા 1-1 હજાર રૂપિયા ટ્રાન્સફર કર્યા છે.

લખનઉઃ દેશમાં કોરોનાને કહેર શરૂ છે. જેથી સમગ્ર દેશને 21 દિવસ માટે લોકડાઉન કરવામાં આવ્યો છે. ઉત્તર પ્રદેશ સરકાર લોકડાઉમાં ગરીબ અને મજૂરોને આર્થિક સહાય કરી રહીં છે. મુખ્યપ્રધાન યોગી આદિત્યનાથે આ વખતે અંદાજે 5 લાખ દૈનિક વેતન મેળવનારા લોકોના ખાતામાં ડાયરેક્ટ 1-1 હજાર રૂપિયા ટ્રાન્સફર કર્યા છે.

CM યોદી આદિત્યનાથે કહ્યું કે, શહેરી વિકાસ વિભાગ દ્વારા ફેરિયાઓ, ઓટો ડ્રાઈવર, રીક્ષા ચાલક, ઈ-રીક્ષા ચાલક, શાકમાર્કેટમાં કામ કરનારા લોકો વગેરે લાભાર્થીઓને 1-1 હજાર રૂપિયાની સહાય આપી છે.

મુખ્યપ્રધાન યોગી આદિત્યનાથે આ દરમિયાન કહ્યું કે, કોરોના વાઇરસના સંક્રમણકાળમાં અમે કેન્દ્ર સરકારની મદદથી રાજ્યના દરેક મજૂરોને રોજીંદા ઉપયોગી વસ્તુઓ અને આર્થિક સહાય આપી રહ્યાં છીએ.

તેમણે કહ્યુ કે, રાજ્ય સરકાર લોકોના સારા સ્વાસ્થ્ય અને સુરક્ષિત ભવિષ્યને લઇને તૈયાર છે. યુપી સરકાર તેમની આર્થિક મદદ પણ કરે છે.

આ ક્રમમાં શુક્રવારે 81 હજાર લોકોના ખાતામાં 1-1 હજાર રૂપિયા ટ્રાન્સફર કરવામાં આવ્યા છે.