- બોલિવુડ અભિનેત્રી અનન્યા પાંડે આજે બીજા દિવસે NCB ઓફિસ પહોંચી
- NCBની ટીમ અભિનેત્રી સાથે ડ્રગ્સ મામલામાં મહત્ત્વની પૂછપરછ કરશે
- અભિનેત્રી અનન્યા પાંડે વોટ્સએપ ચેટના કારણે પ્રશ્નોથી ઘેરાયેલી છે
હૈદરાબાદઃ બોલિવુડ અભિનેત્રી અનન્યા પાંડે (Bollywood Actress Ananya Pandey) આજે સતત બીજા દિવસે NCB ઓફિસ પહોંચી છે. NCBની ટીમ આજે અભિનેત્રી સાથે ડ્રગ્સ મામલામાં (Drugs Case) મહત્ત્વની પૂછપરછ કરશે. અનન્યા પાંડે વોટ્સએપ ચેટના (WhatsApp Chat) કારણે પ્રશ્નોથી ઘેરાયેલી છે. NCB અનન્યાની વોટ્સએપ ચેટને લઈને તેની પૂછપરછ કરશે. આપને જણાવી દઈએ કે, NCBની ટીમે ગુરુવારે મુંબઈમાં આવેલા અનન્યા પાંડેના ઘરે દરોડા પાડ્યા હતા. તે દરમિયાન એજન્સીએ અનન્યાના ઘરેથી ફોન, લેપટોપ અને ઈલેક્ટ્રોનિક સાધનોને જપ્ત કર્યા હતા.
આ પણ વાંચોઃDrugs Case: આર્યન ખાનની ન્યાયિક હિરાસત 30 ઑક્ટોબર સુધી લંબાવાઇ
NCBના હાથે નશા અંગેની વાતચીત કરતી વોટ્સએપ ચેટ લાગી
NCBના હાથે આર્યન ખાન અને બોલિવુડની એક અભિનેત્રીની ચેટ લાગી હતી. ચેટમાં નશા અંગે વાતચીત થઈ રહી હતી. આ ચેટને આધાર બનાવી NCBએ કોર્ટથી આર્યન સહિત અન્ય આરોપીઓના પણ રિમાન્ડની માગ કરી હતી. તેવામાં પ્રશ્ન એ ઉઠી રહ્યો છે કે, શું તે અભિનેત્રી અનન્યા પાંડે છે.
આ પણ વાંચોઃDrug Case: આર્યન ખાન કેસમાં NCBને બિહાર બાદ હવે નેપાળ સુધીના તાર મળ્યા
અનન્યાએ થોડા દિવસ માટે શૂટિંગ રોક્યું
ગુરુવારે NCBના ઝોનલ અધિકારી સમીર વાનખેડેએ અનન્યા પાંડેની પૂછપરછ કરી હતી. મહિલા NCB અધિકારીઓની વચ્ચે અનન્યા પાંડેની પૂછપરછ કરવામાં આવી હતી. અનન્યા પાંડેએ પોતાની ટીમને નિર્દેશ આપ્યા છે કે, તે આગામી કેટલાક દિવસ સુધી શૂટિંગ નહીં કરે. અનન્યાને સમન્સ મોકલવા અંગે NCB DDG અશોક મુથાએ કહ્યું હતું કે, ગુરુવારે સવારે તપાસ અભિયાન ચાલુ કરવામાં આવ્યું છે. અમે સમન્સ મોકલ્યું છે અને પ્રક્રિયા અંતર્ગત કામ કરી રહ્યા છીએ. આ અંગે વધુ કંઈ નથી કહી શકીએ. બીજી તરફ ક્રુઝ ડ્રગ્સ કેસમાં શાહરુખ ખાનના ઘર મન્નત પર ગુરુવારે NCBની ટીમ પહોંચી હતી. આ પહેલા શાહરુખ ખાન ડ્રગ્સ કેસમાં 17 દિવસથી મુંબઈની આર્થર રોડ જેલમાં બંધ પુત્ર આર્યન ખાનને મળવા ગયા હતા. ત્યારબાદ NCBની ટીમ શાહરુખ ખાનના ઘરે પહોંચી હતી અને ડ્રગ્સ કેસમાં ઘરમાં તપાસ કરી હતી.
અનન્યા પાંડે આર્યન ખાનની મિત્ર છે
આપને જણાવી દઈએ કે, અનન્યા પાંડે અભિનેતા શાહરુખ ખાનના પુત્ર આર્યન ખાનની સારી મિત્ર છે. રિપોર્ટ્સ અનુસાર, અનન્યા પાંડેની સાથે ડ્રગ્સ ચેટમાં આર્યન ખાનની બહેન સુહાનાનું નામ જોડાઈ રહ્યું છે. જે અભિનેત્રીની ચેટ સામે આવી છે તે શું અનન્યા છે? બુધવારે NCBએ આર્યન ખાનની ચેટ અંગે ખુલાસો કર્યો હતો. આ ચેટ એક અભિનેત્રીના નામ હોવાની વાત કહેવામાં આવી હતી. આ કથિત ચેટમાં ડ્રગ્સ અંગે વાતચીત થઈ રહી હતી. મીડિયા રિપોર્ટ્સ અનુસાર, આ ચેટના આધારે NCBએ આરોપીઓના રિમાન્ડમાં વધારો કરાવ્યો છે. હવે ચેટથી સવાલ ઉઠી રહ્યા છે કે, શું આર્યન ખાનની ચેટ અનન્યા પાંડે સાથે જોડાયેલી છે.
