મુંબઈ (મહારાષ્ટ્ર):તાજેતરમાં રિલીઝ થયેલી ફિલ્મ ગુડબાયની ટીમે સુપ્રસિદ્ધ બોલિવૂડ સ્ટાર અમિતાભ બચ્ચનને શુભેચ્છા પાઠવી છે કારણ કે, તેઓ 11 ઓક્ટોબરે તેમનો 80મો જન્મદિવસ ઉજવવાના છે. ટીમે મેગાસ્ટાર અમિતાભ બચ્ચનને (Amitabh bachchan 80th birthday) શુભેચ્છા પાઠવતા વિશ્વભરના ચાહકોનો સમાવેશ કરીને એક ખાસ વીડિયો બનાવ્યો હતો. વિડિયોમાં, ચાહકોએ વ્યક્ત કર્યું કે સુપરસ્ટારને દરેક પેઢી કેવી રીતે પ્રેમ કરે છે અને તેઓ તેમની યાત્રા સાથે કેવી રીતે સંબંધિત છે.
સુપ્રસિદ્ધ મેગાસ્ટારનો જન્મદિવસ:ટીમે એક મહત્વપૂર્ણ વિડિયો બનાવ્યો, જેમાં વિશ્વભરના પ્રશંસકો બિગ બીને શુભેચ્છા પાઠવતા હતા. આ વિડિયો પછી પ્રશંસકોને તેમના મનપસંદ મેગાસ્ટાર માટે તેમની હૃદયપૂર્વકની લાગણીઓ દર્શાવતા જબરદસ્ત પ્રેમ અને આશીર્વાદ આપતા બતાવવામાં આવે છે. અભિનેત્રી રશ્મિકા મંદન્નાએ ગુડબાય સાથે બોલિવૂડમાં પ્રવેશ કર્યો હતો, તે અલ્લુ અર્જુન સ્ટારર પુષ્પાઃ ધ રાઇઝમાં શ્રીવલ્લીની ભૂમિકા ભજવવા માટે જાણીતી છે, તેણે પણ આ ખાસ વિડિયોમાં બિગ બીને શુભેચ્છા પાઠવી હતી. સુપ્રસિદ્ધ મેગાસ્ટારનો જન્મદિવસ સમગ્ર વિશ્વમાં ચાહકો દ્વારા આગવી રીતે ઉજવવામાં આવે છે, અમિતાભ બચ્ચન દાયકાઓથી બઘાના હૃદય પર રાજ કરે છે અને હંમેશા કરતા રહેશે. બિગ બી, રશ્મિકા અને નીના ગુપ્તા સ્ટારર ગુડબાય હાલમાં સિનેમાઘરોમાં ચાલી રહી છે.