રાજસ્થાનના કોટામાં 10મા ધોરણની વિદ્યાર્થિનીએ કરી આત્મહત્યા, આપઘાતનું કારણ અકબંધ

રાજસ્થાનના કોટામાં 10મા ધોરણમાં અભ્યાસ કરતી વિદ્યાર્થીનીએ આત્મહત્યા કરી હોવાની ઘટના સામે આવી છે. ઘટના સમયે ઘરમાં કોઈ નહોતું. હાલમાં આપઘાતનું કારણ જાણી શકાયું નથી. પોલીસ દ્વારા તપાસ ચાલી રહી છે.

રાજસ્થાન: કોટા જિલ્લામાં ફરી એકવાર આત્મહત્યાનો મામલો સામે આવ્યો છે. શુક્રવારે કુણહડી પોલીસ સ્ટેશન વિસ્તારમાં રહેતી 10મા ધોરણના વિદ્યાર્થીએ આ પગલું ભર્યું હતું. માહિતી મળતાં પોલીસ પહોંચી અને મૃતદેહને એમબીએસ હોસ્પિટલના શબઘરમાં રાખ્યો. શનિવારે પોસ્ટમોર્ટમ બાદ મૃતદેહ સ્વજનોને સોંપવામાં આવ્યો હતો. હાલમાં આપઘાતનું કારણ જાણી શકાયું નથી.

વિદ્યાર્થીનીએ કરી આત્મહત્યા:ઉર્મિલા સ્કૂલ પાસે રહેતી 15 વર્ષની વિદ્યાર્થીની કુણહડીની બાલાજી સરકારી શાળામાં 10મા ધોરણમાં અભ્યાસ કરતી હતી. વિદ્યાર્થીની તેના પિતા અને ભાઈ સાથે રહેતી હતી. શુક્રવારે બપોરે 3 વાગ્યે તે સ્કૂલેથી ઘરે પરત ફરી હતી. તે દરમિયાન તેના ઘરે કોઈ નહોતું. પિતા મજૂરી કામે ગયા હતા અને નાનો ભાઈ અંકિત કોઈ કામ અર્થે ઘરની બહાર ગયો હતો. તેના મકાનમાં ભાડે રહેતી મહિલા પણ કોઈ કામ અર્થે બહાર ગઈ હતી. તે દરમિયાન વિદ્યાર્થીએ આ પગલું ભર્યું હતું. જ્યારે ભાડુઆત મહિલા પરત આવી ત્યારે તેને ઘટનાની જાણ થઈ. મહિલાએ વિદ્યાર્થીના પરિવારને જાણ કરી અને તેને MBS હોસ્પિટલ લઈ જવામાં આવી. અહીં તબીબોએ તેને તપાસીને મૃત જાહેર કરી હતી.

ASI કરતાર સિંહે જણાવ્યું છે કે પોલીસને આ આત્મહત્યાની જાણકારી હોસ્પિટલમાંથી જ મળી હતી. મૃતદેહને એમબીએસ હોસ્પિટલના શબઘરમાં રાખવામાં આવ્યો હતો, શનિવારે પોલીસે તેનું પોસ્ટમોર્ટમ કરાવ્યું હતું અને મૃતદેહ પરિવારજનોને સોંપ્યો હતો. આ અંગે કેસ નોંધવામાં આવ્યો છે. તપાસ શરૂ કરવામાં આવી રહી છે. ઘટનાસ્થળેથી કોઈ સુસાઈડ નોટ મળી નથી. આવી સ્થિતિમાં આપઘાતનું કારણ શું હતું તે પણ બહાર આવ્યું નથી.