બાંગ્લાદેશમાં હિન્દુઓ પર અત્યાચાર વિરૂદ્ધ દિલ્હીમાં રસ્તા પર ઉતરી મહિલાઓ, મંડી હાઉથી જંતર-મંતર સુધી પ્રદર્શન - nari shakti march in delhi

બાંગ્લાદેશમાં હિન્દુઓ પર થતા અત્યાચારને લઈને ભારતમાં રહેતા હિન્દુઓ પણ સંવેદના સાથે પોતાનો વિરોધ નોંધાવી રહ્યાં છે, ત્યારે દિલ્હીમાં નારી શક્તિ માર્ચનું આયોજન કરવામાં આવ્યું છે. જે અંતર્ગત મોટી સંખ્યામાં એકત્રિત થયેલી મહિલાઓએ મંડી હાઉથી જંતર-મંતર સુધી પ્રદર્શન કર્યુ હતું. nari shakti march in delhi

નવી દિલ્હીઃ બાંગ્લાદેશમાં હિંદુ મહિલાઓ પર થતા અત્યાચારને લઈને નારી શક્તિ ફોરમ દ્વારા શુક્રવારે દિલ્હીમાં નારી શક્તિ મંચ દ્વારા નારી શક્તિ માર્ચનું આયોજન કરવામાં આવ્યું છે. આ પદયાત્રામાં હજારો મહિલાઓ ભાગ લઈ રહી છે. સવારે 11 વાગ્યે મંડી હાઉસથી માર્ચ શરૂ થઈ છે, જે બારાખંબા રોડ, ટોલ્સટોય રોડ થઈને જંતર-મંતર પહોંચશે.

અમે તેમની સાથે:સાંસદ બાંસુરી સ્વરાજ પણ વિરોધ પ્રદર્શનમાં પહોંચ્યા હતા. તેમણે કહ્યું કે બાંગ્લાદેશમાં રાજકીય અસ્થિરતાને જોતા સ્થિતિ ખૂબ જ ચિંતાજનક છે. આ અસ્થિરતાનો સૌથી મોટો ભોગ બાંગ્લાદેશના હિંદુ સમુદાય અને અન્ય લઘુમતીઓ છે. મહિલાઓ પર બળાત્કાર થઈ રહ્યો છે અને પુરુષો પર અત્યાચાર થઈ રહ્યો છે. આપણા ધાર્મિક સ્થળોને પણ તોડી પાડવામાં આવી રહ્યા છે.

બાંસુરી સ્વરાજે કહ્યું કે, આ વિરોધ કૂચ દ્વારા અમે વિશ્વને કહેવા માંગીએ છીએ કે હિન્દુ સમુદાય શાંતિપ્રિય છે. ખાસ કરીને બાંગ્લાદેશી હિન્દુ સમુદાયે તેમના દેશના આર્થિક વિકાસમાં ઘણું યોગદાન આપ્યું છે. અમે બાંગ્લાદેશી હિંદુઓ અને અન્ય લઘુમતીઓને કહેવા માંગીએ છીએ કે અમે તેમની સાથે ઉભા છીએ અને તેઓ આમાં એકલા નથી.