નવી દિલ્હીઃ કોલકાતા દુષ્ક્રમ-હત્યા કેસમાં ગુરુવારે એટલે કે આજે સુપ્રીમ કોર્ટમાં મહત્વની સુનાવણી હાથ ધરવામાં આવશે. CBI આજે સુપ્રીમ કોર્ટમાં સ્ટેટસ રિપોર્ટ રજૂ કરશે. અગાઉની સુનાવણી દરમિયાન સુપ્રીમ કોર્ટે આ સમગ્ર મામલે સરકાર અને પોલીસના વલણ પર નારાજગી વ્યક્ત કરી હતી. ભારતના મુખ્ય ન્યાયાધીશ ડીવાય ચંદ્રચુડે પશ્ચિમ બંગાળ પોલીસને સખત ઠપકો આપ્યો હતો. તેમજ ભરતને આ સમગ્ર મામલાની તપાસ અહેવાલ બે દિવસમાં રજૂ કરવા જણાવ્યું હતું. CJIએ હોસ્પિટલમાં સુરક્ષાને લઈને ઘણા મોટા આદેશ આપ્યા હતા.
કોલકાતાની આરજી કાર હોસ્પિટલમાં તાલીમાર્થી ડૉક્ટરની દુષ્ક્રમ અને હત્યાના કેસમાં સુપ્રીમ કોર્ટ સુઓ મોટુ કેસની સુનાવણી કરી રહી છે. આ પહેલા આ કેસની સુનાવણી મંગળવારે (20 ઓગસ્ટે) થઈ હતી. ચીફ જસ્ટિસ ઓફ ઈન્ડિયા ડીવાય ચંદ્રચુડની અધ્યક્ષતાવાળી બેન્ચમાં સુનાવણી હાથ ધરવામાં આવી હતી. આ બેંચમાં જસ્ટિસ જેબી પારડીવાલા અને જસ્ટિસ મનોજ મિશ્રાનો સમાવેશ થાય છે.
કેસની સુનાવણી દરમિયાન સુપ્રીમ કોર્ટે પશ્ચિમ બંગાળ સરકાર અને પોલીસ પર કેસને જે રીતે હેન્ડલ કરી રહ્યા હતા તેના પર ઘણા સવાલો ઉઠાવ્યા હતા. CJIએ કહ્યું કે આ ઘટનાએ સમગ્ર દેશમાં ડોક્ટરોની સુરક્ષાનો મુદ્દો ઉઠાવ્યો છે. કોર્ટે આ મામલે દસ સભ્યોની રાષ્ટ્રીય ટાસ્ક ફોર્સની રચના કરી હતી.
જેમાં સર્જન વાઈસ એડમિરલ આરકે સરીન, એશિયન ઈન્સ્ટિટ્યૂટ ઓફ નેશનલ ગેસ્ટ્રોલોજીના મેનેજિંગ ડિરેક્ટર ડૉ. નાગેશ્વર રેડ્ડી અને અન્યોનો સમાવેશ થાય છે. ભારતના મુખ્ય ન્યાયાધીશ ડીવાય ચંદ્રચુડે પીડિતનું નામ, મૃતકની તસવીરો અને વીડિયો ક્લિપ જાહેરમાં વાયરલ થઈ રહી છે તેના પર ઊંડી ચિંતા વ્યક્ત કરી છે. સુપ્રીમ કોર્ટે પશ્ચિમ બંગાળ પોલીસને ફટકાર લગાવી અને CISFને હોસ્પિટલને સુરક્ષા આપવા કહ્યું.
- કોલકાતાના ડૉક્ટર રેપ-મર્ડર કેસ: સંદીપ ઘોષના પૂર્વ સહયોગી પહોંચ્યો હાઈકોર્ટ, ED તપાસની માંગ કરી, કહ્યું- ઘણા મૃતદેહો વેચવામાં આવ્યા - KOLKATA DOCTOR RAPE MURDER CASE
- સગીર વયના યૌન ઉત્પીડનના મામલામાં કોલકત્તા હાઈકોર્ટનો નિર્ણય નકાર્યો, જાણો સુપ્રીમ કોર્ટે શું કહ્યું - CALCUTTA HIGH COURT
