શ્રીનગર: જમ્મુ-કાશ્મીરમાં આજે કડક સુરક્ષા વચ્ચે વિધાનસભા ચૂંટણીના પ્રથમ તબક્કાનું મતદાન થયું છે. કેન્દ્રશાસિત પ્રદેશમાં નિષ્પક્ષ અને શાંતિપૂર્ણ મતદાન માટે ચૂંટણી પંચ દ્વારા વ્યાપક વ્યવસ્થા કરવામાં આવી છે. મતદાન સવારે સાત વાગ્યાથી શરૂ થયું હતું અને સાંજે છ વાગ્યે પૂર્ણ થયું હતું. તમામ સંવેદનશીલ વિસ્તારોમાં દરેક ખૂણે-ખૂણે સુરક્ષા દળો તૈનાત કરવામાં આવ્યા હતા. કેન્દ્રશાસિત પ્રદેશના 23.27 લાખથી વધુ મતદારોએ તેમના મતાધિકારનો ઉપયોગ કર્યો હતો.
ઈન્દરવાલમાં સૌથી વધુ 80.06 ટકા અને ત્રાલમાં 40.58 ટકા મતદાન થયું
જમ્મુ-કાશ્મીરમાં પ્રથમ તબક્કા માટે બુધવારે મતદાન થયું હતું. તેમાં અનંતનાગ 41.58%, અનંતનાગ (પશ્ચિમ) - 45.93%, બનિહાલ - 68%, ભદરવાહ - 65.27%, DH પોરા - 65.21%, દેવસર - 54.73%, ડોડા - 70.21%, ડોડા (પશ્ચિમ) 74.14% 57.90, ઇન્દરવાલ - 80.06 %, કિશ્તવાડ - 75.04 %, કોકરનાગ (ST) - 58 %, કુલગામ - 59.58 %, પડેર-નાગસેની - 76.80 %, પહેલગામ - 67.86 %, પંપોર - 42.67% પુલવામા - 46.22% રાજપોરા - 45.78 %, રામબન - 67.34%, શાંગાસ - અનંતનાગ (પૂર્વ) - 52.94%, શોપિયન - 54.72%, શ્રીગુફવારા-બિજબેહારા - 56.02%, ત્રાલ - 40.58% અને જૈનાપોરા - 52.64%.
કિશ્તવાડમાં મતદાન મથક પર વિરોધ પ્રદર્શન
જમ્મુ અને કાશ્મીરના કિશ્તવાડના બાગવાન મોહલ્લામાં મતદાન મથક પર મતદારની ઓળખને લઈને થયેલા વિરોધ બાદ થોડા સમય માટે મતદાન અટકાવવામાં આવ્યું હતું. જો કે બાદમાં પરિસ્થિતિ કાબુમાં આવી હતી. કિશ્તવાડના ડીએમ રાજેશ કુમાર શાવને કહ્યું, 'અહીં લોકોમાં થોડી મૂંઝવણ હતી, અહીં ભીડ હતી અને તેને ઉકેલવામાં આવી છે. ઓળખ અંગે થોડી સમસ્યા હતી, એક વ્યક્તિ પાસે ઓળખ પત્ર નહોતું. સ્થિતિ સામાન્ય છે, ફરી મતદાન શરૂ થઈ ગયું છે.
ઓમર અબ્દુલ્લાએ કહ્યું, અમે 10 વર્ષથી આ દિવસની રાહ જોઈ રહ્યા હતા
JKNC ઉમેદવાર ઓમર અબ્દુલ્લાએ જમ્મુ-કાશ્મીર વિધાનસભા ચૂંટણીને લઈને નિવેદન આપ્યું છે. તેમણે કહ્યું, 'અમે ઈચ્છીએ છીએ કે લોકો નેશનલ કોન્ફરન્સને મત આપે કારણ કે તેનાથી જમ્મુ-કાશ્મીરને ફાયદો થશે. મેં કેટલાક લોકો સાથે વાત કરી, નેશનલ કોન્ફરન્સને તમામ વર્ગોમાંથી ઘણા વોટ મળી રહ્યા છે. અમને આશા છે કે અમે જીતીશું. અમે 10 વર્ષથી આ દિવસની રાહ જોઈ રહ્યા છીએ. અમે 8 ઓક્ટોબરની રાહ જોઈશું, પરંતુ અત્યાર સુધીના રિપોર્ટ સારા છે.
- 'વન નેશન વન ઇલેક્શન'ને મંજૂરી, મોદી કેબિનેટમાં પ્રસ્તાવ પસાર - one nation one election
- રાહુલ ગાંધી પર અપમાનજનક ટિપ્પણી કરવા બદલ રવનીત સિંહ બિટ્ટુ વિરુદ્ધ દિલ્હી હાઈકોર્ટમાં અરજી દાખલ - PIL Against Ravneet Singh Bittu
