Body recovered at Abhayapuri : অভয়াপুৰীৰ দেওহাটীত উদ্ধাৰ অচিনাক্ত মৃতদেহ

বঙাইগাঁও, ১ নৱেম্বৰ : আকৌ উদ্ধাৰ মৃতদেহ ৷ বঙাইগাঁও জিলাৰ অভয়াপুৰীৰ দেওহাটীত উদ্ধাৰ কৰা হয় এটা অচিনাক্ত মৃতদেহ ৷ বুধবাৰে স্থানীয় লোকে দেওহাটীৰ ৰে’ল পথৰ কাষতে প্ৰত্যক্ষ কৰে এই মৃতদেহটো । পিচত স্থানীয় ৰাইজে খবৰ দিয়ে RPF বাহিনীৰ লোকক ৷

খবৰ পোৱা মাত্ৰেই ঘটনাস্থলীত RPF বাহিনীৰ লোক উপস্থিত হৈ উদ্ধাৰ কৰে মৃতদেহটো । এই ঘটনাক কেন্দ্ৰ কৰি সমগ্ৰ অঞ্চলটোত সৃষ্টি হয় এক উত্তেজনাময় পৰিস্থিতিৰ । ৰাইজে সন্দেহ কৰা মতে, নিশাৰ ভাগতে ৰে’লৰ পৰা পৰি মৃত্যু হয় যুৱকজনৰ ।

ইতিমধ্যে উক্ত ঘটনা সন্দৰ্ভত ৰে’ল আৰক্ষীয়ে আৰম্ভ কৰিছে তদন্ত ৷ বাতৰি যুগুত কৰা পৰলৈকে উদ্ধাৰ হোৱা যুৱকজনৰ পৰিচয় সন্দৰ্ভত লাভ কৰা নাই তথ্য ৷

লগতে পঢ়ক :Injured wild elephant Rescued : নগাঁৱৰ কন্দলীত আঘাতপ্ৰাপ্ত বন্যহস্তীৰ চিৎকাৰ