চাবুৱাত পোনাকণ বৰুৱাৰ হৈ নিৰ্বাচনী প্ৰচাৰ ডঃ হিমন্ত বিশ্ব শৰ্মাৰ - নিৰ্বাচনী প্ৰচাৰ
অসমৰ প্ৰথম পৰ্যায়ৰ নিৰ্বাচনলৈ তিনিদিন বাকী থকা অৱস্থাত বুধবাৰে চাবুৱাত উপস্থিত হয় ডঃ হিমন্ত বিশ্ব শৰ্মা । অগপ-বিজেপিৰ মনোনীত প্ৰাৰ্থী পোনাকণ বৰুৱাৰ হৈ নিৰ্বাচনী প্ৰচাৰ চলাই মন্ত্ৰী গৰাকীয়ে । বিশাল জনসভা সম্বোধন কৰি শৰ্মাই ভাষণত বিৰোধী পক্ষক তীব্ৰভাৱে সমালোচনা কৰাৰ লগতে কটাক্ষ কৰা পৰিলক্ষিত হয় । একালৰ বিজেপি কৰ্মী প্ৰিয়ংকা নেওগে বৰ্তমান চাবুৱা বিধানসভা সমষ্টিৰ পৰা নিৰ্দলীয় হিচাপে প্ৰাৰ্থিত্ব আগবঢ়োৱা কাৰ্য ভাল হোৱা নাই বুলি ৰাইজৰ আগত ব্যক্ত কৰে মন্ত্ৰী গৰাকীয়ে । ভাষণত ডঃ শৰ্মাই কয় যে, হাতীৰ সহযোগিতাৰ বাবে সৰ্বানন্দ সোণোৱালে মুখ্যমন্ত্ৰী হ'ব পাৰিলে । চাবুৱাত নৰেন্দ্ৰ মোডীতকৈ প্ৰিয়ংকা নেওগ বেছি বিজেপি হ'ব নোৱাৰে । হাতী আৰু টেক্টৰৰ যুঁজত হাত আগবাঢ়ি যোৱাৰ সম্ভাৱনা বেছি । সেয়ে প্ৰিয়ংকা নেওগক নিজৰ মাজতে অন্তদ্বন্দ্ব নালাগি অগপৰ পোণাকণ বৰুৱাক সহযোগিতা আগবঢ়াবৰ বাবে আহ্বান জনায় ।