কেৰালাত আৱদ্ধ অসমৰ যুৱকৰ দলৰ অসম চৰকাৰলৈ কাতৰ অনুৰোধ

অসমলৈ উভতাই নিবৰ বাবে অসম চৰকাৰলৈ অনুৰোধ জনাইছে যুৱকৰ দলটোৱে ৷ নিজ ৰাজ্যলৈ উভতি অহাৰ ক্ষেত্ৰত মুখ্যমন্ত্ৰী সৰ্বানন্দ সোণোৱালৰ লগতে স্বাস্থ্যমন্ত্ৰী ড0 হিমন্ত বিশ্ব শৰ্মাৰ হস্তক্ষেপ কামনা কৰিছে যুৱকৰ দলটোৱে ৷

ডুমডুমা, 16 মে': লক ডাউনৰ বাবে দেশৰ বিভিন্ন প্ৰান্তত হাহাকাৰ অৱস্থাৰ সন্মুখীন হৈছে কৰ্মসূত্ৰে বহিঃৰাজ্যত থকা হাজাৰ হাজাৰ লোক৷ কেৰালাৰ কাছাৰগড় জিলাত আৱদ্ধ হৈ পৰিছে তিনিচুকীয়া জিলাৰ ফিল'বাৰীকে ধৰি বিভিন্ন অঞ্চলৰ 12 জন যুৱকসহ শিৱসাগৰ আৰু ধেমাজী জিলাৰ মুঠ 17 জনকৈ যুৱক ৷ লক ডাউনৰ বাবে সকলো কাম বন্ধ হৈ পৰাত তীব্ৰ সংকটত পৰি উপায়হীন হৈ নিজ ৰাজ্যলৈ উভতি আহিব বিচাৰিছে যুৱকৰ দলটোৱে ৷ উপায়ন্তৰ হৈ তেওঁলোকক অসমলৈ উভতাই নিবৰ বাবে অসম চৰকাৰলৈ অনুৰোধ জনাইছে যুৱকৰ দলটোৱে ৷ নিজ ৰাজ্যলৈ উভতি অহাৰ ক্ষেত্ৰত মুখ্যমন্ত্ৰী সৰ্বানন্দ সোণোৱালৰ লগতে স্বাস্থ্যমন্ত্ৰী ড0 হিমন্ত বিশ্ব শৰ্মাৰ হস্তক্ষেপ কামনা কৰিছে যুৱকৰ দলটোৱে ৷

উল্লেখ্য যে, কোম্পানীৰ মালিকে দুই মাহৰ দৰমহা নিদিয়াৰ অভিযোগ তোলাৰ লগতে দৰমহা বিচৰাত ঘৰ খালি কৰিবলৈ নিৰ্দেশ দিয়া বুলি জনাইছে অসমৰ এই যুৱকৰ দলটোৱে ৷ বৰ্তমান তীব্ৰ খাদ্য সংকটৰ লগতে অন্যান্য প্ৰয়োজনীয় সামগ্ৰীৰ বাবে সমস্যাত পৰাৰ কথা উল্লেখ কৰিছে যুৱকৰ দলটোৱে ৷

লগতে পঢ়কঃ বটদ্ৰৱাত অবৈধ কয়লাৰ চোৰাং বেহাৰ গুৰুতৰ অভিযোগ