দক্ষিণ শালমাৰা, 31 মে' : দক্ষিণ শালমাৰাত বানৰ তাণ্ডৱ । কেবাদিনো ধৰি নেৰা-নেপেৰা বৰষুণৰ প্ৰভাৱত মেঘালয়ৰ পাহাৰৰ পৰা নামি অহা পানীৰ ঢলে জিলাখনত ভয়াৱহ পৰিস্থিতিৰ সৃষ্টি কৰিছে । পানীত বুৰ গৈছে জিলাখনৰ কেইবা হাজাৰ বিঘা ইৰি ধানৰ খেতি ৷
উল্লেখযোগ্য যে, লক্ ডাউনৰ মাজতে ইৰি ধান চপোৱাৰ সময় হৈছিল যদিও ইতিমধ্যে বানে প্লাবিত কৰিছে জিলাখনৰ খেতিপথাৰসমূহ । আনহাতে, বাঢ়নী পানীয়ে হাজাৰ হাজাৰ বিঘা ইৰিধান খেতি বুৰাই পেলোৱাৰ ফলত পৰৱৰ্তী সময়ত আৰ্থিকভাৱে লোকচানৰ সন্মুখীন হ'বলগীয়া হ'ব বহুসংখ্যক পৰিয়াল ৷ সেয়ে, কোনোৱে যদি এককাল পানীত আন কোনোৱে বানৰ প্ৰচণ্ড সোঁতত ডুবি হ'লেও ধান চপোৱাৰ চেষ্টা কৰিছে।