তেজপুৰ, ১৪ ডিচেম্বৰ: ১৯৪৮ চনতে নেশ্যনেল কেডেট কৰ্পৰ সৈতে জড়িত হৈ সেৱা আগবঢ়োৱা প্ৰাক্তন কেডেট সুৰেন্দ্ৰ কুমাৰ বৰুৱালৈ সন্মান প্ৰদৰ্শন এনচিচিৰ(NCC Alumni Surendra Kumar honoured) । সোমবাৰে ৯২ বছৰীয়া প্ৰাক্তন কেডেটগৰাকীক ফুলৰ থোপা আৰু গামোচাৰে সম্বৰ্ধনা জনালে এনচিচিৰ উত্তৰ-পূৰ্বাঞ্চলৰ উপ-সঞ্চালক প্ৰধান মেজৰ জেনেৰেল ভাস্কৰ কলিতাই(ADG of NCC felicitated Surendra Kumar Baruah) ।
সুৰেন্দ্ৰ কুমাৰে ১৯৪৮ চনত প্ৰথম অসম বেটেলিয়ন এনচিচিত যোগদান কৰিছিল । তেওঁ এনচিচিৰ পৰা প্ৰমাণপত্ৰও লাভ কৰিছিল । এনচিচিত তেওঁ সেৱা আগবঢ়াই থকা সময়ত তেওঁ ১৯৫০ চনৰ পৰা ১৯৫৩ চনৰ ভিতৰত একেৰাহে তিনি বছৰ শ্ৰেষ্ঠ কেডেটৰ ট্ৰফীও অৰ্জন কৰিবলৈ সক্ষম হৈছিল । তেওঁ এন ই আৰ ডি টি ই এনচিচিকো প্ৰতিনিধিত্ব কৰিছিল । ১৯৫২ চনত ৯ নং চাৰ্কল এনচিচি বুলি জনা গৈছিল আৰু পৰৱৰ্তী বছৰত তেওঁ শ্ৰেষ্ঠ বৃত্তিৰ বঁটা লাভ কৰে ।