ৰঙাপৰা, 16 এপ্ৰিলঃশোণিতপুৰৰ ৰঙাপৰাত সংঘটিত হৈছে এক চাঞ্চল্যকৰ ঘটনা ৷ নিজ বৌৱেকক হত্যাৰ চেষ্টা চলাই আৰক্ষীৰ জালত পৰিল দেওৰেক ৷ ৰঙাপৰা চাহ বাগিছাৰ ৪নং ধিপালাইনত সংঘটিত হৈছে এই ঘটনা ৷
পাৰিবাৰিক কণ্ডলৰ পৰিণতিতে এই ঘটনা সংঘটিত হোৱা বুলি প্ৰকাশ কৰিছে একাংশই ৷ ঘটনা অনুসৰি, সমীৰ বাৰলা নামৰ লোকজনে নিজ বৌৱেক হানা বাৰলাক ব্লেডেৰে ডিঙি ৰেপি হত্যাৰ চেষ্টা চলায় ৷
এই বিষয়ে অৱগত হৈ ঘটনাস্থলীত উপস্থিত হয় ৰঙাপৰা আৰক্ষীৰ এটি দল ৷ ঘটনাৰ ফলত গুৰুতৰভাৱে আঘাতপ্ৰাপ্ত হোৱা হানা বাৰলাক ৰঙাপৰা প্ৰাথমিক স্বাস্থ্য কেন্দ্ৰলৈ লৈ প্ৰেৰণ কৰে আৰক্ষীয়ে ৷ আনহাতে গুৰুতৰভাৱে আঘাতপ্ৰাপ্ত হানা বাৰলাৰ স্বাস্থ্যৰ অৱনতি ঘটাত উন্নত চিকিৎসাৰ বাবে তেজপুৰ চিকিৎসা মহাবিদ্যালয়লৈ প্ৰেৰণ কৰে ৷
ঘটনা সন্দৰ্ভত ৰঙাপৰা আৰক্ষী চকীত এটি গোচৰ ৰুজু কৰি সমীৰ বাৰলাক আটক কৰিছে আৰক্ষীয়ে ৷