তেজপুৰত ব্যৱসায়িক প্ৰতিষ্ঠানত অসমীয়া ফলক ব্যৱহাৰৰ আহ্বান আছুৰ

তেজপুৰ আঞ্চলিক ছাত্ৰ সন্থাৰ তেজপুৰত অভিনৱ পদক্ষেপ গ্ৰহণ ৷

তেজপুৰ,5 জুলাই: তেজপুৰৰ ব্যৱসায়ীসকলক নিজৰ ব্যৱসায় প্ৰতিষ্ঠানত অসমীয়া ভাষা প্ৰয়োগ কৰিবলৈ আহ্বান ৷ ইংৰাজী আৰু বাংলা ভাষাক অগ্ৰাধিকাৰ দি অসমীয়া ভাষাক গৌণ কৰা কাৰ্য্যত শুক্ৰবাৰে তেজপুৰ আঞ্চলিক ছাত্ৰ সন্থাই চহৰখনৰ কেইখনমান ব্যৱসায় প্ৰতিষ্ঠানৰ বেনাৰ সমূহ ফালি পেলায় ৷ তেজপুৰ আঞ্চলিক ছাত্ৰ সন্থাই ইতিমধ্যে সমগ্ৰ চহৰতে এই নিয়ম পালন কৰিবলৈ ব্যৱসায়ী সকলক দুদিন সময় বান্ধি দিছে ৷ অহা সোমবাৰৰ ভিতৰত দোকান আৰু অন্যান্য প্ৰতিষ্ঠানত অসমীয়া ভাষাত লিখা ফলক ব্যৱহাৰ কৰিবলৈ আহ্বান জনায় আছু কৰ্মী সকলে ৷

উল্লেখ্য যে, ছাত্ৰ সন্থাই এই কাৰ্যসূচী সমগ্ৰ অসমতে পালন কৰিছে ৷ আনহাতে ছাত্ৰ সন্থাৰ এই পদক্ষেপত সচেতন মহলে সঁহাৰি জনায় ৷ দুদিনৰ ভিতৰত ব্যৱসায়ীসকলে এই পদক্ষেপ গ্ৰহণ নকৰিলে জংগী ব্যৱস্থা হাতত লোৱাৰ বিষয়েও উল্লেখ কৰে আছু কৰ্মীসকলে ৷