নাজিৰাত তীব্ৰবেগী ট্ৰাকে প্ৰাণ কাঢ়িলে এজনৰ

নাজিৰাৰ বালিঘাটত ভয়ংকৰ পথ দুৰ্ঘটনা ৷ থিতাতে নিহত এগৰাকী মটৰ চাইকেল আৰোহী ৷ তীব্ৰবেগী এখন ট্ৰাকে মটৰ চাইকেল এখনত খুন্দা মৰাৰ ফলতে সংঘটিত হয় দুৰ্ঘটনাটো ৷ শিৱসাগৰৰ পৰা শিমলুগুৰি অভিমুখে গৈ থকা অৱস্থাত বিপৰীত দিশৰ পৰা ট্ৰাকখনৰ তলত বুলেটখন সোমাই পৰাৰ ফলতে থিতাতে নিহত হয় বুলেট আৰোহী যুৱক গৰাকী ৷

শিৱসাগৰ, 18 ফেব্ৰুৱাৰী:বৃহস্পতিবাৰে নাজিৰাৰ বালিঘাটত সংঘটিত এক ভয়াবহ পথ দুৰ্ঘটনা ৷ দুৰ্ঘটনাটোত মটৰ চাইকেল আৰোহীজন থিতাতে নিহত হয় ৷ নিহত আৰোহী যুৱক জনৰ নাম দিম্পল শইকীয়া বুলি জানিব পৰা গৈছে ৷

উল্লেখ্য যে, অ'এনজিচিৰ সামগ্ৰী কঢ়িওৱা এখন ট্ৰেইলাৰৰ সৈতে মুখামুখি সংঘৰ্ষৰ ফলত সংঘটিত হয় ভয়াবহ পথ দুৰ্ঘটনাটো ৷ বিপৰীত দিশৰ পৰা অহাAS 04 Y 4413 নম্বৰৰ বুলেটখনে AS 04 AC 9469 নম্বৰৰ ট্ৰেইলাৰখনৰ তলত সোমাই পৰে আৰু ট্ৰেইলাৰৰ চকাৰ তলত সোমাই ঘটনাস্থলীতে যুৱকজনে মৃত্যুক আঁকোৱালি লয় ৷

ট্ৰাকখনৰ তলত বুলেটখন সোমাই পৰাৰ ফলতে থিতাতে নিহত হয় বুলেট আৰোহী যুৱক গৰাকী

স্থানীয় লোকৰ ভাষ্য অনুসৰি সামগ্ৰী কঢ়িওৱা ট্ৰেইলাৰখন তীব্ৰ বেগ অহাৰ বাবেই এই ভয়াবহ দুৰ্ঘটনাটো সংঘটিত হ'বলৈ পালে ৷ আৰক্ষীয়ে দুৰ্ঘটনাগ্ৰস্ত বাহন দুখন জব্দ কৰাৰ লগতে মৃতদেহৰ মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰিছে ৷

শিৱসাগৰৰ শিমলুগুৰিৰ ভোটৰবাৰীৰ দিম্পল শইকীয়াৰ মৃত্যুৰ বাতৰিয়ে এতিয়া সমগ্ৰ অঞ্চলটোত পেলাইছে শোকৰ ছাঁ ৷

লগতে পঢ়ক:যোৰহাটৰ বাইপাছত ভয়ংকৰ পথ দুৰ্ঘটনা