নাজিৰাত বায়’ টয়লেট নিৰ্মাণৰ নামত ঠিকাদাৰৰ লুণ্ঠনৰাজ!
নাজিৰাত বায়’ টয়লেট নিৰ্মাণৰ নামত ঠিকাদাৰৰ লুণ্ঠনৰ অভিযোগ ৷ The energy and resources institute নামৰ আঁচনিৰ সাহায্য পুঁজিৰে নিৰ্মাণ কৰা এটি বায়’ টয়লেটৰ কামৰ নমুনাই স্তম্ভিত কৰিছে সকলোকে৷ নাজিৰাৰ মঠিয়াছিগা ৰাজমাও উচ্চ মাধ্যমিক বিদ্যালয়ত The energy and resources instituteৰ এক আঁচনিৰ অধীনত প্ৰজ্ঞা নামৰ এটি বেচৰকাৰী সংস্থাই বায়’ টয়লেট নিৰ্মাণ কাৰ্যৰ দ্বায়িত্ব লাভ কৰিছিল৷ অভিযোগ অনুসৰি,নিৰ্মাণৰত অৱস্থাতে শৌচাগাৰৰ পকী বেৰ খহি পৰাৰ লগতে টেংকীত ঠিকাদাৰে লোহাৰ ৰদৰ সলনি ব্যৱহাৰ কৰিছে বাঁহৰ কামী ৷
নাজিৰা, 7 চেপ্তেম্বৰঃ নিজৰ মুনাফা লাভৰ বাবেই একাংশ ঠিকাদাৰে বৰ্তাই ৰাখিছে ঠিকা বৃত্তি৷ এই কথা পুনৰ প্ৰমাণিত হৈছে নাজিৰাত৷ The energy and resourses institute নামৰ আঁচনিৰ সাহায্য পুঁজিৰে নিৰ্মাণ কৰা এটি বায়’ টয়লেটৰ কামৰ নমুনাই স্তম্ভিত কৰিছে সকলোকে৷ নাজিৰাৰ মঠিয়াছিগা ৰাজমাও উচ্চ মাধ্যমিক বিদ্যালয়ত The energy and recourses instuteৰ এক আঁচনিৰ অধীনত প্ৰজ্ঞা নামৰ এটি বেচৰকাৰী সংস্থাই বায়’ টয়লেট নিৰ্মাণ কাৰ্যৰ দ্বায়িত্ব লাভ কৰিছিল৷অভিযোগ অনুসৰি, জনৈক মহন্ত নামৰ ঠিকাদাৰ জনে মঠিয়াছিগা ৰাজমাও উচ্চ মাধ্যমিক বিদ্যালৰ প্ৰধান শিক্ষকক ফোন কৰি জনাইছিল এই কথা৷ কিন্তু শৌচাগাৰ নিৰ্মাণৰ বাবে কিমান টকা আহিছে বা কেনেকৈ নিৰ্মাণ কৰিব লাগিব বিদ্যালয় কৰ্তৃপক্ষক এই বিষয়ে একো জনোৱা নাছিল ঠিকাদাৰ জনে৷ ক্ষীপ্ৰ গতিৰে কাম আগবঢ়াই নিয়া ঠিকাদাৰ জনে বিদ্যালয়ৰ শিক্ষক নথকা সুযোগ লৈ কোনো নথকা অৱস্থাত যোৱা দেওবাৰে শৌচাগাৰৰ টেংকীত ঢালাই দিয়াৰ অভিযোগ বিদ্যালয় কৰ্তৃপক্ষৰ৷ ঠিকাদাৰ জনৰ এই কাৰ্যত বিদ্যালয় কৰ্তৃপক্ষৰ সন্দেহ ওপজাত শৌচাগাৰৰ টেংকী মিষ্ট্ৰিৰ হতুৱাই ভাঙি চোৱাত ওলাই পৰে সকলো কথা৷ নিৰ্মাণৰত অৱস্থাতে শৌচাগাৰৰ পকী বেৰ খহি পৰাৰ লগতে টেংকীত ঠিকাদাৰে লোহাৰ ৰদৰ সলনি ব্যৱহাৰ কৰিছে বাঁহৰ কামী৷