শিৱসাগৰ, 11 জানুৱাৰী : ভোগালী বিহুলৈ মাজত মাথো কেইটামান দিনহে বাকী ৷ ইতিমধ্যে ৰাজ্যজুৰি আৰম্ভ হৈছে ভোগালীক আদৰাৰ ব্যাপক প্ৰস্তুতি (Preparations for Bhogali Bihu in Assam) ৷ ভোগৰ সামগ্ৰীৰে নদন-বদন হৈ পৰিছে ৰাজ্যৰ বজাৰসমূহ ৷ ঠায়ে ঠায়ে বিহুৰ প্ৰাকক্ষণত আয়োজন কৰা হৈছে ভোগালী মেলাৰ ৷
ব্যতিক্ৰম নহয় শিৱসাগৰবাসী ৷ শিৱসাগৰতো এতিয়া ভোগালীক আদৰাৰ ব্যাপক প্ৰস্তুতি চলাইছে ৰাইজে ৷ ভোগৰ সামগ্ৰীৰে উপচি পৰিছে শিৱসাগৰত অনুষ্ঠিত অসমী ভোগালী মেলাৰ বাকৰি ৷ ১২ জানুৱাৰী পৰ্যন্ত চলিব এই ভোগালী মেলা (Bhogali Mela at Sivsagar) ৷
গ্ৰামীণ জীৱিকা মিছনৰ অধীনত শিৱসাগৰত ভোগালী মেলা শিৱসাগৰত অসম ৰাজ্যিক গ্ৰামীণ জীৱিকা অভিযানৰ উদ্যোগত নগৰখনৰ দৌলমুখৰ সমীপৰ পুৰণি জিলা পৰিষদ কাৰ্যালয়ৰ চৌহদত অনুষ্ঠিত কৰা হৈছে এই ভোগালী মেলা (Bhogali mela organised by assam state rural livelihood mission) ৰ ৷
লগতে পঢ়ক :ভোগালীৰ আয়োজনৰ মাজতে উপাৰ্জনৰ বাট বিচাৰি পালে গাঁওবাসীয়ে
গ্ৰামীণ জীৱিকা মিছনৰ অধীনত শিৱসাগৰ নগৰত আয়োজিত এই মেলাত কেইবাটাও আত্মসহায়ক গোটে অংশগ্ৰহণ কৰে ৷ গোটসমূহে বিহু উপলক্ষে প্ৰস্তুত কৰা বিহুৰ জলপান, চিৰা, পিঠা, চুঙা দৈ, হুৰুম, সান্দহ, অসমীয়া বস্ত্ৰ সম্ভাৰ আদিৰ লগতে আন ভালেমান সা-সামগ্ৰী এই মেলাত বিক্ৰীৰ ব্যৱস্থা কৰিছে ।
প্ৰধানকৈ গ্ৰামাঞ্চলৰ মহিলাসকল জড়িত থকা আত্মসহায়ক গোটৰ মহিলাসকলে প্ৰস্তুত কৰা চিৰা, পিঠা তথা অন্যান্য সা-সামগ্ৰীসমূহে গ্ৰাহকৰ পৰা ভাল সমাদৰ লাভ কৰিবলৈ সক্ষম হৈছে ৷ উল্লেখ্য যে, এই মেলাত জিলাখনৰ আমগুৰি, ডিমৌ, নাজিৰা, গৌৰীসাগৰ আৰু শিৱসাগৰকে ধৰি জিলাখনৰ মুঠ পাঁচটা উন্নয়ন খণ্ডৰ মহিলা আত্মসহায়ক গোটে অংশগ্ৰহণ কৰে ৷
গাঁৱৰ মহিলাসকলক স্বাৱলম্বী কৰাৰ মানসেৰে চৰকাৰে আৰম্ভ কৰা অসম ৰাজ্যিক গ্ৰামীণ জীৱিকা মিছনে বিভিন্ন উৎপাদনমূলক কামত মহিলাসকলক নিয়োজিত কৰি আহিছে ৷ ইয়াৰে কিছুসংখ্যকে অসমীয়া জলপান, থলুৱা বস্ত্ৰ সম্ভাৰ প্ৰস্তুত কৰাত নিজকে নিয়োজিত কৰিছে । অসমী ভোগালী মেলাৰ জৰিয়তে গোটসমূহে উৎপাদন কৰা কেতবোৰ বাচকবনীয়া সামগ্ৰী আৰু সেৱাক এখন বজাৰ দিয়াৰ চেষ্টা কৰিছে অসম ৰাজ্যিক গ্ৰামীণ জীৱিকা মিছনে ৷
লগতে পঢ়ক :সংকটৰ মাজতো ভোগালী বিহু উদযাপনৰ প্ৰস্তুতি ৰাজ্যত
