নলবাৰী,28 মাৰ্চ:নলবাৰীত বিজেপিৰ ভেটিত কঁপনি তুলি দেওবাৰে চমক সৃষ্টি কৰিলে নলবাৰীৰ কংগ্ৰেছ মহাজোঁটৰ প্ৰাৰ্থী প্ৰদ্যুৎ ভূঞাই ৷ কংগ্ৰেছ মহাজোটৰ প্ৰাৰ্থী ভূঞাৰ সমৰ্থনত ওলাই আহিল হাজাৰ হাজাৰ লোক ৷ নলবাৰী কলেজ খেলপথাৰৰ পৰা উলিওৱা এই পদযাত্ৰাত সমষ্টিটোৰ কেইবাহাজাৰ কংগ্ৰেছ কৰ্মী, ৰাইজ তথা সাংসদ গৌৰৱ গগৈ সহ দিল্লী বিশ্ববিদ্যালয়ৰ প্ৰাক্তন সভানেত্ৰী তথা নিখিল ভাৰত কংগ্ৰেছ কমিতিৰ মুখপাত্ৰ অলকা লম্বায়ো অংশ গ্ৰহণ কৰে ।
পদযাত্ৰাৰ প্ৰাক ক্ষনত ষ্টাৰ কেম্পেইনাৰ তথা সাংসদ গৌৰৱ গগৈয়ে পদযাত্ৰাত অংশ লোৱা মহিলা সকলৰ সৈতে নাচি বাগি সকলোৰে দৃষ্টি আকৰ্ষণ কৰে ৷ ইফালে, এই বৃহৎ পদযাত্ৰাৰ কাৰ্যসূচীয়ে শংকিত কৰি তুলিছে বিজেপি শিবিৰত ৷