নলবাৰীৰ কছুৱাত অগ্নিকাণ্ডত ভস্মীভূত বাসগৃহ

নলবাৰী জিলাৰ মুকালমুৱাৰ কছুৱাত ভয়ংকৰ অগ্নিকাণ্ড ৷ অগ্নিকাণ্ডৰ ফলত এজন লোকৰ ঘৰ সম্পূৰ্ণৰূপে ভস্মীভূত ৷

নলবাৰী, 21 ডিচম্বৰ :নলবাৰী জিলাৰ মুকালমুৱাৰ কছুৱাত সন্ধিয়াভাগত ভয়ংকৰ অগ্নিকাণ্ডৰ ঘটনা সংঘটিত হয় ৷ অগ্নিকাণ্ডৰ ফলত ৰমেশ দাস নামৰ এজন লোকৰ বাসগৃহ সম্পূৰ্ণৰূপে জুইত ভস্মীভূত হয় ৷ ৰান্ধনী ঘৰৰ পৰা জুইৰ সূত্ৰপাত হোৱা বুলি সন্দেহ প্ৰকাশ কৰিছে স্থানীয় লোকে ৷

অগ্নিকাণ্ডৰ ফলত কেইবা লক্ষাধিক মূল্যৰ সা-সম্পত্তি ভস্মীভূত হয় ৷ ঘটনাস্থলীত মুকালমুৱা অগ্নিনিৰ্বাপক বাহিনীৰ দুখন আৰু বেলশৰ অগ্নিনিৰ্বাপক বাহিনীৰ এখন বাহনৰ সহযোগত জুই নিৰ্বাপন কৰে যদিও জুইত সম্পূৰ্ণৰূপে ভস্মীভূত হয় বাসগৃহটো ৷

লগতে পঢ়ক :মৰাণত কংগ্ৰেছৰ ব্যাপক খহনীয়া