নলবাৰী,১৯ জুন: বৰুণ দেৱতাৰ কোপদৃষ্টিৰ পৰা পৰিত্ৰাণ পোৱা নাই ৰাজ্য়বাসীয়ে (Assam flood situation )। বিগত কিছুদিন ধৰি হৈ থকা নেৰানেপেৰা বৰষুণৰ ফলত ৰাজ্য়জুৰি অব্য়াহত আছে বান বিভীষিকা । খাদ্য়-খোৱা পানীৰ বাবে হাহাকাৰ কৰিছে বানপীড়িত জনতাই ।
ৰাজ্য়ৰ আন জিলাৰ লগতে নলবাৰীতো অতি ভয়াবহ হৈ পৰিছে বান পৰিস্থিতি । জলবন্দী হৈ পৰিছে হাজাৰ হাজাৰ জনতা । ফলত জিলাখনৰ অধিকাংশ শিক্ষানুষ্ঠানতেই এতিয়া আশ্ৰয় শিৱিৰ স্থাপন কৰা হৈছে । শিক্ষানুষ্ঠানসমূহলৈ যোৱাৰ বিষয়ে ভাবিবই পৰা নাই শিক্ষাৰ্থীয়ে ।
বান আৰু প্ৰাকৃতিক দুৰ্যোগৰ প্ৰতি লক্ষ্য ৰাখি নলবাৰী জিলা প্ৰশাসনে এক জাননীযোগে সোমবাৰৰ পৰা ২২ জুনলৈকে শিক্ষানুষ্ঠান বন্ধৰ ঘোষণা কৰিছে (School closed in Nalbari) । নলবাৰী জিলাৰ কোনো লোক তথা শিক্ষাৰ্থীয়ে যাতে বান বিভীষিকাত ক্ষতিগ্ৰস্ত নহয় তাৰ বাবে প্ৰশাসনে নলবাৰীৰ সকলো শৈক্ষিক অনুষ্ঠান বন্ধ ৰখাৰ নিৰ্দেশ দিছে ।
উল্লেখ্য় যে, নলবাৰী জিলাৰ প্ৰায় সকলো অঞ্চলেই এতিয়া বানৰ কবলত আছে । বানপীড়িত ৰাইজে আশ্ৰয় শিৱিৰত খাদ্য়-খোৱা পানীৰ বাবেও হাহাকাৰ কৰা বুলি জানিব পৰা গৈছে । সমান্তৰালভাৱে পশুধনৰ খাদ্য় সংকটেও দেখা দিছে ।
লগতে পঢ়ক:Assam Flood: বাঢ়নী পানীত উটি গৈ প্ৰাণ হেৰুৱালে দুই কৰ্তব্যৰত আৰক্ষীয়ে