আৰ্থিক বাধাকো নেওচি হাইস্কুল শিক্ষান্ত পৰীক্ষাত ধিঙৰ ছাত্ৰীৰ সাফল্য

আৰ্থিক বাধাকো নেওচি হাইস্কুল শিক্ষান্ত পৰীক্ষাত উজ্বলিল ধিঙৰ ছাত্ৰী

ধিং, 15 মে' : দৰিদ্ৰতাক নেওচি হাইস্কুল শিক্ষান্ত পৰীক্ষাত ডিষ্টিংচনসহ উত্তীৰ্ণ হৈ ধিঙলৈ গৌৰৱ কঢ়িয়াই আনিলে এগৰাকী ছাত্ৰীয়ে ৷ ধিঙৰ মৈৰাবাৰী আজান শংকৰ বিদ্যাপীঠৰ পৰা হাইস্কুল শিক্ষান্ত পৰীক্ষাত 518 নম্বৰৰে ডিষ্টিংচন লাভ কৰে শ্বেৰিন জেনী নামৰ ছাত্ৰীগৰাকীয়ে ৷ ধিঙৰ মৌলানা জিয়াবুৰ ৰহমানৰ জীয়ৰী শ্বেৰিন জেনীয়ে গণিতত 93,ইংৰাজীত 90,অসমীয়াত 88,সমাজ বিজ্ঞানত 81,বিজ্ঞানত 82 আৰু আৰবীত লাভ কৰে 84 নম্বৰ ৷ ভৱিষ্যতে বিজ্ঞান শাখাত নামভৰ্তি কৰাৰ হেঁপাহ ছাত্ৰীগৰাকীৰ ৷